malum nahin kyun

yuuñ gardish-e-ayyām hai ma.alūm nahīñ kyuuñ

rindoñ kā lahū aam hai ma.alūm nahīñ kyuuñ

muflis hai to ik jins-e-faromāya hai lā-raib

muḳhlis hai to nākām hai ma.alūm nahīñ kyuuñ

tohmat ke sazā-vār faqīhān-e-haram haiñ

mullā yahāñ badnām hai ma.alūm nahīñ kyuuñ

ab ḳhuun ke dhabbe haiñ mudīroñ kī qabā par

ḳhāma dam-e-samsām hai ma.alūm nahīñ kyuuñ

ḳhūn-e-rag-e-islām se zahrāb o subū tak

ib.hām hī ib.hām hai ma.alūm nahīñ kyuuñ

har baat pe ta.azīr hai har qaul pe zanjīr!

har shāḳh pe ik daam hai ma.alūm nahīñ kyuuñ

jamhūr kī yalġhār se har qasr-e-shahī meñ

kohrām hī kohrām hai ma.alūm nahīñ kyuuñ

yun gardish-e-ayyam hai malum nahin kyun

rindon ka lahu aam hai malum nahin kyun

muflis hai to ek jins-e-faromaya hai la-raib

muKHlis hai to nakaam hai malum nahin kyun

tohmat ke saza-war faqihan-e-haram hain

mulla yahan badnam hai malum nahin kyun

ab KHun ke dhabbe hain mudiron ki qaba par

KHama dam-e-samsam hai malum nahin kyun

KHun-e-rag-e-islam se zahrab o subu tak

ibham hi ibham hai malum nahin kyun

har baat pe tazir hai har qaul pe zanjir!

har shaKH pe ek dam hai malum nahin kyun

jamhur ki yalghaar se har qasr-e-shahi mein

kohram hi kohram hai malum nahin kyun