man jai

zindagī ke udaas lamhoñ meñ huuñ maiñ

jab kabhī

e'tibār ke rishte

kirchī kirchī bikharne lagte haiñ

dil pe jab bhī

ḳharāsh paḌtī hai

tab añdherā

vujūd par taarī

aur tanhā.ī saañs letī hai

DhūñDhtā huuñ kisī

sahāre ko

phir shafaq jaisā

ḳhvāb sā chehra

merī āñkhoñ ke sāmne aayā

jis kī uñglī pakaḌ ke sīkhā thā

maiñ ne chalnā zamīñ ke siine par

aur vo āñgan ki jo mohabbat kā

aur chāhat kā isti'āra thā

aur maañ kī 'azīm hastī ne

apne ḳhuuñ se jise nikhārā thā

maañ kā ne'mul-badal nahīñ koī

ye to ik barmalā haqīqat hai

hai magar ye bhī sach mire yaaro

maañ nazar aa.ī mujh ko bahnoñ meñ

zindagi ke udas lamhon mein hun main

jab kabhi

e'tibar ke rishte

kirchi kirchi bikharne lagte hain

dil pe jab bhi

KHarash paDti hai

tab andhera

wujud par tari

aur tanhai sans leti hai

DhunDhta hun kisi

sahaare ko

phir shafaq jaisa

KHwab sa chehra

meri aankhon ke samne aaya

jis ki ungli pakaD ke sikha tha

main ne chalna zamin ke sine par

aur wo aangan ki jo mohabbat ka

aur chahat ka isti'ara tha

aur man ki 'azim hasti ne

apne KHun se jise nikhaara tha

man ka ne'mul-badal nahin koi

ye to ek barmala haqiqat hai

hai magar ye bhi sach mere yaro

man nazar aai mujh ko bahnon mein