ماں جائی

زندگی کے اداس لمحوں میں ہوں میں

جب کبھی

اعتبار کے رشتے

کرچی کرچی بکھرنے لگتے ہیں

دل پہ جب بھی

خراش پڑتی ہے

تب اندھیرا

وجود پر طاری

اور تنہائی سانس لیتی ہے

ڈھونڈھتا ہوں کسی

سہارے کو

پھر شفق جیسا

خواب سا چہرہ

میری آنکھوں کے سامنے آیا

جس کی انگلی پکڑ کے سیکھا تھا

میں نے چلنا زمیں کے سینے پر

اور وہ آنگن کہ جو محبت کا

اور چاہت کا استعارہ تھا

اور ماں کی عظیم ہستی نے

اپنے خوں سے جسے نکھارا تھا

ماں کا نعم البدل نہیں کوئی

یہ تو اک برملا حقیقت ہے

ہے مگر یہ بھی سچ مرے یارو

ماں نظر آئی مجھ کو بہنوں میں