man ji

kaise pukārūñ ki merī pukār kā javāb aa.e

samā.ateñ banjar

aur sadā beva ho ga.ī

muddat huī

aap kī āvāz ko is taraf

aur merī sadā aap tak pahuñche

merī to halkī sī aahaT bhī sun letī thiiñ

ab siskiyoñ kī āvāz nahīñ suntīñ

maiñ thak jaatī

to aap kī god

fauran thakan kā ehsās tak jazb kar letī thī

saare zamāne ke phuul aur itr

mil kar bhī

aap kī ḳhushbū nahīñ banā sake

maañ jī

aap jāntī thiiñ na

beTiyāñ maañ ke baġhair adhūrī hotī haiñ

aur aap mujhe adhūrā kar ga.iiñ

aap ko pata hai

maiñ baabā jaan ke saath jahāñ bhī jā.ūñ

ab

koī safar mukammal nahīñ hotā

maiñ chāhūñ bhī to

aap ke baġhair mukammal nahīñ ho paatī

maañ jī

jab aap ne āḳhirī baar mujhe kahā thā

beTā sab kuchh tere havāle

to jāntī haiñ

usī lamhe merī kul kā.enāt luT ga.ī

vo shaam phir shām-e-ġharībāñ banī

aap kī sauñpī tamām zimmedāriyāñ adā kar rahī huuñ

lekin

suniye na maañ jī

ye thakan kaise utregī

terī god kā nemul-badal banānā

ḳhudā kī mashiyyat meñ na thā

kaise pukarun ki meri pukar ka jawab aae

samaaten banjar

aur sada bewa ho gai

muddat hui

aap ki aawaz ko is taraf

aur meri sada aap tak pahunche

meri to halki si aahaT bhi sun leti thin

ab siskiyon ki aawaz nahin suntin

main thak jati

to aap ki god

fauran thakan ka ehsas tak jazb kar leti thi

sare zamane ke phul aur itr

mil kar bhi

aap ki KHushbu nahin bana sake

man ji

aap jaanti thin na

beTiyan man ke baghair adhuri hoti hain

aur aap mujhe adhura kar gain

aap ko pata hai

main baba jaan ke sath jahan bhi jaun

ab

koi safar mukammal nahin hota

main chahun bhi to

aap ke baghair mukammal nahin ho pati

man ji

jab aap ne aaKHiri bar mujhe kaha tha

beTa sab kuchh tere hawale

to jaanti hain

usi lamhe meri kul kaenat luT gai

wo sham phir sham-e-ghariban bani

aap ki saunpi tamam zimmedariyan ada kar rahi hun

lekin

suniye na man ji

ye thakan kaise utregi

teri god ka nemul-badal banana

KHuda ki mashiyyat mein na tha