man

mire ThanDe badan ko aañch dī hai apne siine kī

mire sūkhe laboñ ko apne hoñToñ kī namī dī hai

mirī sāñsoñ ko apnī dhaḌkanoñ kī rāgnī dī hai

tirā maqrūz huuñ maiñ

na soyā farsh par to māmtā kā ban ga.ī bistar

kabhī barsāt meñ Tapkā purāne phūñs kā chhappar

mujhe bāñhoñ meñ apnī kas liyā aur bichh ga.ī mujh par

mirī tanhā.iyoñ ko loriyoñ se gudgudāyā hai

mire ashkoñ ko tū ne apnī palkoñ par uThāyā hai

kahīñ tab jā ke ye ma.asūm bachpan muskurāyā hai

tirī unglī pakaḌ kar dopahar kī dhuup meñ aksar

phirā huuñ nange paañv aur apnī be-kasī dekhī

tirī āñkhoñ meñ lekin zindagī kī raushnī dekhī

mirī ḳhātir uThā.e haiñ musalsal bār-e-ġham tū ne

mirī ḳhātir zamāne bhar kī tū ne ḳhaak chhānī hai

mirī ḳhātir añdheroñ se kiran kī bhiik māñgī hai

tirā maqrūz huuñ maiñ zindagī ab terī ḳhātir hai

jo kal guzrā vo aañsū thā use āñkhoñ se Tapkā de

naved-e-sub.h-e-hastī huuñ mire māthe pe bosa de

tirā maqrūz huuñ maiñ

mere ThanDe badan ko aanch di hai apne sine ki

mere sukhe labon ko apne honTon ki nami di hai

meri sanson ko apni dhaDkanon ki ragni di hai

tera maqruz hun main

na soya farsh par to mamta ka ban gai bistar

kabhi barsat mein Tapka purane phuns ka chhappar

mujhe banhon mein apni kas liya aur bichh gai mujh par

meri tanhaiyon ko loriyon se gudgudaya hai

mere ashkon ko tu ne apni palkon par uThaya hai

kahin tab ja ke ye masum bachpan muskuraya hai

teri ungli pakaD kar dopahar ki dhup mein aksar

phira hun nange panw aur apni be-kasi dekhi

teri aankhon mein lekin zindagi ki raushni dekhi

meri KHatir uThae hain musalsal bar-e-gham tu ne

meri KHatir zamane bhar ki tu ne KHak chhani hai

meri KHatir andheron se kiran ki bhik mangi hai

tera maqruz hun main zindagi ab teri KHatir hai

jo kal guzra wo aansu tha use aankhon se Tapka de

nawed-e-subh-e-hasti hun mere mathe pe bosa de

tera maqruz hun main