masumiyat

maiñ ne pūchhā ye raat guDDū se

chāñd par mere saath jāoge

soch kar thoḌī der vo bolā

chāñd par koī jā nahīñ saktā

maiñ ye bolā ki a mire beTe

chāñd par chand log ho aa.e

niil thā pahlā shaḳhs duniyā kā

chāñd par jis ne pair rakhā thā

aur bhī log ho ke aa.e haiñ

kuchh namūne bhī saath laa.e haiñ

mujh se kahne lagā nahīñ paapā

chāñd par meñ kabhī na jā.ūñgā

maiñ ne pūchhā ki ai mire beTe

chāñd par kis liye na jāoge

mujh se ma.asūmiyat se vo bolā

gir gayā jo vahāñ se kyā hogā

main ne puchha ye raat guDDu se

chand par mere sath jaoge

soch kar thoDi der wo bola

chand par koi ja nahin sakta

main ye bola ki a mere beTe

chand par chand log ho aae

nil tha pahla shaKHs duniya ka

chand par jis ne pair rakha tha

aur bhi log ho ke aae hain

kuchh namune bhi sath lae hain

mujh se kahne laga nahin papa

chand par mein kabhi na jaunga

main ne puchha ki ai mere beTe

chand par kis liye na jaoge

mujh se masumiyat se wo bola

gir gaya jo wahan se kya hoga