mahbuba aur maut

mahbūba aur maut meñ ik mumāsalat hai

ki mujhe donoñ se mohabbat hai

ai maut kyā batā.ūñ ki

tere jaisā kaun hai

ki jis se mujh ko pyaar hai

ki us pe sab nisār hai

maiñ chāhtā huuñ us ko bhī

terī tarah terī tarah

haañ vo bhī tere jaisī hai

maiñ DhūñDhtā huuñ donoñ ko

ḳhalāoñ meñ fazāoñ meñ

ai maut ab kahāñ hai tū

kidhar maiñ DhūñDhtā phirūñ

kabhī qarīb aa.e to

kabhī haañ muskurā.e to

magar na samjhe mujh ko to

na e'tibār mujh pe ho

to baat maane auroñ kī

tabīb kī hakīm kī

kahīñ jo ġhair sun le to

sune na merī baat to

ajiib baat hai bhī ye

lagāo nā gale kabhī

na de mujhe to pyaar hī

ye kaisī bebasī mirī

na to mile na priit hī

ye donoñ ek jaisī haiñ

mujhe samajhtī hī nahīñ

mahbuba aur maut mein ek mumasalat hai

ki mujhe donon se mohabbat hai

ai maut kya bataun ki

tere jaisa kaun hai

ki jis se mujh ko pyar hai

ki us pe sab nisar hai

main chahta hun us ko bhi

teri tarah teri tarah

han wo bhi tere jaisi hai

main DhunDhta hun donon ko

KHalaon mein fazaon mein

ai maut ab kahan hai tu

kidhar main DhunDhta phirun

kabhi qarib aae to

kabhi han muskurae to

magar na samjhe mujh ko to

na e'tibar mujh pe ho

to baat mane auron ki

tabib ki hakim ki

kahin jo ghair sun le to

sune na meri baat to

ajib baat hai bhi ye

lagao na gale kabhi

na de mujhe to pyar hi

ye kaisi bebasi meri

na to mile na prit hi

ye donon ek jaisi hain

mujhe samajhti hi nahin