mahsus karna

mujhe hasrat hai

merā nazm-karda falsafa tum ko samajh aa.e

tumheñ ye falsafa bāvar karāne ke liye mere sivā aflāk se ab koī bhī aadam nahīñ girnā

tumhāre jism se mujh tak jo duurī hai

tumheñ mālūm ho ye ek theory hai

aadam naam kā dhabbā

zamīn-o-āsmāñ kā fāsla tai kar ke tum ko sirf itnā bolne aayā huuñ

sun lo

mujhe āñkhoñ ke har vīrān sapne kī qasam hai

tumhāre jism kī taḳhlīq ke daurān jo miTTī bachī thī

usī miTTī se merī rūh-e-pechīda banī hai

harīm-e-man

barahman naam kī ūñchī pahāḌī se mohabbat naam kā jharnā nikalne tak

mujhe shūdar samajhnā

agarche maiñ tumhārī paak miTTī se banā huuñ

mujhe tasvīr karnā

hinā kī uñgliyoñ par phūTte rañgoñ se ḳhud meñ rang bharnā muskurānā

aur mujh ko soch lenā bhuul jaanā

sivā.e lams maiñ duniyā ke har jazbe kī ḳhālis shakl meñ tum ko milūñgā

DhūñDhnā

ta.avīz mat karnā mujhe apne gale kā

hamāre biich chhū lene kī āsānī nahīñ hai

harīm-e-jān

maiñ aisā sahīfa huuñ jo utrā huuñ tumhāre paak siine meñ

agar tum chāhtī ho maiñ amar ho jā.ūñ to phir

mujhe mahsūs karnā

sāhilī miTTī se aadam zaat kī taḳhlīq hone tak

mujhe hasrat hai

mera nazm-karda falsafa tum ko samajh aae

tumhein ye falsafa bawar karane ke liye mere siwa aflak se ab koi bhi aadam nahin girna

tumhaare jism se mujh tak jo duri hai

tumhein malum ho ye ek theory hai

aadam nam ka dhabba

zamin-o-asman ka fasla tai kar ke tum ko sirf itna bolne aaya hun

sun lo

mujhe aankhon ke har viran sapne ki qasam hai

tumhaare jism ki taKHliq ke dauran jo miTTi bachi thi

usi miTTi se meri ruh-e-pechida bani hai

harim-e-man

barahman nam ki unchi pahaDi se mohabbat nam ka jharna nikalne tak

mujhe shudar samajhna

agarche main tumhaari pak miTTi se bana hun

mujhe taswir karna

hina ki ungliyon par phuTte rangon se KHud mein rang bharna muskurana

aur mujh ko soch lena bhul jaana

siwae lams main duniya ke har jazbe ki KHalis shakl mein tum ko milunga

DhunDhna

tawiz mat karna mujhe apne gale ka

hamare bich chhu lene ki aasani nahin hai

harim-e-jaan

main aisa sahifa hun jo utra hun tumhaare pak sine mein

agar tum chahti ho main amar ho jaun to phir

mujhe mahsus karna

sahili miTTi se aadam zat ki taKHliq hone tak