main abdullah soch raha hun

sadiyoñ pahle

apne purkhe

jangal vīrānoñ meñ rahte

sāñpoñ aur ḳhūñḳhār darindoñ

se bach-bach kar

yā laḌ-laḌ kar

zinda rahne ke saare gur siikh ga.e the

aaj kī duniyā meñ ham ne bhī

sachchā jhūTā saath nibhā kar

dhoka de kar dhokā khā kar

apnoñ aur begānoñ se bhī

yā qurbat yā duurī rakh kar

zinda rahnā siikh liyā hai

farq hai itnā

ik ḳhūñḳhār darinde kā to

apnī khaal se bāhar aanā

bhes badalnā nā-mumkin thā

purkhoñ kā us ko pahchān ke us se bachnā

koī mushkil kaam nahīñ thā

lekin aaj ke andhe yug meñ

sab insānoñ ke chehroñ par

kitne chehre chaḌhe hue haiñ

un ke aslī ruup ko ham kaise pahchāneñ

kaise un se ḳhud ko bachā.eñ

is kā ham ko gyaan nahīñ hai

maiñ 'abdullāh' soch rahā huuñ

jangal vīrānoñ ke baasī apne purkhoñ kā jīvan to

aaj ke yug meñ apne jīvan

ke aage āsān bahut thā

sadiyon pahle

apne purkhe

jangal viranon mein rahte

sanpon aur KHunKHar darindon

se bach-bach kar

ya laD-laD kar

zinda rahne ke sare gur sikh gae the

aaj ki duniya mein hum ne bhi

sachcha jhuTa sath nibha kar

dhoka de kar dhoka kha kar

apnon aur beganon se bhi

ya qurbat ya duri rakh kar

zinda rahna sikh liya hai

farq hai itna

ek KHunKHar darinde ka to

apni khaal se bahar aana

bhes badalna na-mumkin tha

purkhon ka us ko pahchan ke us se bachna

koi mushkil kaam nahin tha

lekin aaj ke andhe yug mein

sab insanon ke chehron par

kitne chehre chaDhe hue hain

un ke asli rup ko hum kaise pahchanen

kaise un se KHud ko bachaen

is ka hum ko gyan nahin hai

main 'abdullah' soch raha hun

jangal viranon ke basi apne purkhon ka jiwan to

aaj ke yug mein apne jiwan

ke aage aasan bahut tha