main aur wo dusra aadmi

jaao jaao mujhe niiñd aa.ī hai sone do mujhe

din guzar jaatā hai lafzoñ kā ta.āqub karte

aur jab raat ko thak haar ke gir paḌtā huuñ

tum chale aate ho aḳhbār liye

tum ko ab yaad nahīñ

kal ke aḳhbār meñ bhī thiiñ yahī saarī ḳhabreñ

balki parsoñ se yahī ḳhabreñ dhaḌā-dhaḌ har ik aḳhbār meñ chhaptī haiñ

paḌhī jaatī haiñ

kal kī ḳhabreñ bhī lage haath sunā Daalo abhī

phir kahīñ jā ke maro tum bhī mujhe sone do

sub.h ko phir mujhe lafzoñ ke ta.āqub meñ nikalnā hogā

jao jao mujhe nind aai hai sone do mujhe

din guzar jata hai lafzon ka taaqub karte

aur jab raat ko thak haar ke gir paDta hun

tum chale aate ho aKHbar liye

tum ko ab yaad nahin

kal ke aKHbar mein bhi thin yahi sari KHabren

balki parson se yahi KHabren dhaDa-dhaD har ek aKHbar mein chhapti hain

paDhi jati hain

kal ki KHabren bhi lage hath suna Dalo abhi

phir kahin ja ke maro tum bhi mujhe sone do

subh ko phir mujhe lafzon ke taaqub mein nikalna hoga