main har taraf hun har taraf

mirī nigāh kī ḳhunuk udāsiyāñ haiñ har taraf

mire ḳhayāl kī lakīr hai vo rūd-e-nūr

koh-e-barf-posh par

mirī du’ā-e-nīm-shab vo abr-e-kohsār hai

ravāñ-davāñ

vo chāñdnī kī lahr-lahr

jism-e-jūebār par

mire hī roz-o-shab kī aarzū kā

'aks be-qarār hai

vo āftāb-e-surḳh kī na.ī kiran

kuñvārī nīlgūñ zamīñ ke lams se nashe meñ chuur

merī vārdāt-e-dil kī an-sunī pukār hai

ye yād-o-gard-bād

ye havā-e-tund-o-tez-o-sard

ye 'ālam-e-subuk-subuk

ye kaif-o-kam

fazā kī saañs hai ki mere sīna-e-fasāna-jū kā zer-o-bam

mirī zamīñ koī nahīñ mirā zamāñ koī nahīñ

mirā makāñ hai lā-makāñ maiñ har taraf huuñ har taraf

mirī nazar kā surmagīñ ġhubār hai

meri nigah ki KHunuk udasiyan hain har taraf

mere KHayal ki lakir hai wo rud-e-nur

koh-e-barf-posh par

meri du’a-e-nim-shab wo abr-e-kohsar hai

rawan-dawan

wo chandni ki lahr-lahr

jism-e-juebar par

mere hi roz-o-shab ki aarzu ka

'aks be-qarar hai

wo aaftab-e-surKH ki nai kiran

kunwari nilgun zamin ke lams se nashe mein chur

meri wardat-e-dil ki an-suni pukar hai

ye yaad-o-gard-baad

ye hawa-e-tund-o-tez-o-sard

ye 'alam-e-subuk-subuk

ye kaif-o-kam

faza ki sans hai ki mere sina-e-fasana-ju ka zer-o-bam

meri zamin koi nahin mera zaman koi nahin

mera makan hai la-makan main har taraf hun har taraf

meri nazar ka surmagin ghubar hai