main hun

hujūm-e-ārzū hai aur maiñ huuñ

kisī kī justujū hai aur maiñ huuñ

udhar hai āqibat kī fikr ġhālib

idhar jām-o-subū hai aur maiñ huuñ

huā hai shauq-e-bāda jab se mujh ko

usī kī guftugū hai aur maiñ huuñ

zabāñ par haiñ mohabbat ke tarāne

kanār-e-ābjū hai aur maiñ huuñ

umīd-e-rahmat-e-haq hai vagarna

gunah kī merī ḳhū hai aur maiñ huuñ

haqīqat gul kī khultī bhī to kaise

hijāb-e-rang-o-bū hai aur maiñ huuñ

kitāboñ ne sikhāyā ḳhaak mujh ko

ḳhayāl-e-mā-o-tū hai aur maiñ huuñ

chalā maiñ do qadam rāh-e-mohabbat

ki charchā kū-ba-kū hai aur meñ huuñ

zarā tham tham ke chal ai bād-e-hasrat

charāġh-e-ārzū hai aur maiñ huuñ

vo shāyad mere hī dil meñ nihāñ ho

ki jis kī justujū hai aur maiñ huuñ

hujum-e-arzu hai aur main hun

kisi ki justuju hai aur main hun

udhar hai aaqibat ki fikr ghaalib

idhar jam-o-subu hai aur main hun

hua hai shauq-e-baada jab se mujh ko

usi ki guftugu hai aur main hun

zaban par hain mohabbat ke tarane

kanar-e-abju hai aur main hun

umid-e-rahmat-e-haq hai wagarna

gunah ki meri KHu hai aur main hun

haqiqat gul ki khulti bhi to kaise

hijab-e-rang-o-bu hai aur main hun

kitabon ne sikhaya KHak mujh ko

KHayal-e-ma-o-tu hai aur main hun

chala main do qadam rah-e-mohabbat

ki charcha ku-ba-ku hai aur mein hun

zara tham tham ke chal ai baad-e-hasrat

charagh-e-arzu hai aur main hun

wo shayad mere hi dil mein nihan ho

ki jis ki justuju hai aur main hun