main jab KHud se bichhaDti hun
Interesting Fact
Dedicated to her daughter Subiya.
mirī palkoñ pe tābinda
tirī āñkhoñ ke aañsū
mujhe tārīk rātoñ meñ
na.e raste sujhāte haiñ
vajūdī vāhimoñ kī sar-zamīnoñ par
maiñ jab ḳhud se bichhaḌtī huuñ
chamaktī ret ke zarroñ kī sūrat
jab bikhartī huuñ
mujhe vo apne nam se joḌ dete haiñ
mujhe ḳhud se milāte haiñ
maiñ jab din kī bahut lambī masāfat meñ
udāsī kī thakan se chuur hotī huuñ
akele-pan kī vahshat meñ
bahut majbūr hotī huuñ
to gahrī hāñptī shāmoñ kī dahlīzoñ se
vo akasr mujhe dhīre se
maañ! kah kar bulāte haiñ
tirī āñkhoñ ke aañsū
mujhe kaise anokhe silsiloñ se
jā milāte haiñ!!
meri palkon pe tabinda
teri aankhon ke aansu
mujhe tarik raaton mein
nae raste sujhate hain
wajudi wahimon ki sar-zaminon par
main jab KHud se bichhaDti hun
chamakti ret ke zarron ki surat
jab bikharti hun
mujhe wo apne nam se joD dete hain
mujhe KHud se milate hain
main jab din ki bahut lambi masafat mein
udasi ki thakan se chur hoti hun
akele-pan ki wahshat mein
bahut majbur hoti hun
to gahri hanpti shamon ki dahlizon se
wo akasr mujhe dhire se
man! kah kar bulate hain
teri aankhon ke aansu
mujhe kaise anokhe silsilon se
ja milate hain!!
- Book : Quarterly TASTEER Lahore (Pg. 80)
- Author : Naseer Ahmed Nasir
- Publication : Room No.-1,1st Floor, Awan Plaza, Shadman Market, Lahore (Issue No. 4, Jan To Mar.1998)
- Edition : Issue No. 4, Jan To Mar.1998
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
