میں کہاں تھا

میں اپنے ہونے کو

کھوجتا ہوں

میں سوچتا ہوں کہ

میں کہاں تھا

صدائے کن کی جو گونج اٹھی

زماں مکاں میں ہوائیں جاگیں

کنار باندھے سمندروں پر

صدائے آتش بھی چار سو تھی

تو میں کہاں تھا

میں سوچتا ہوں کہ میں کہاں تھا

مرے جواہر کی موج کیا تھی

مرے عناصر کہاں کہاں تھے

جہان میرے کہاں کہاں تھے

مکان میرے کہاں کہاں تھے

میں آشنا سے نہ آشنا ہوں

میں جانتا ہوں تو صرف اتنا

میں ابتدا کے کمال میں گم

تو انتہا کے جمال میں گم

صدائے کن کے خلود جلوے

یہ ایک میں ہوں

یہ ایک ہو تم