main KHud se mayus nahin hun

maiñ ḳhud se māyūs nahīñ huuñ

insāñ se māyūs huuñ thoḌā

dhartī par aane se pahle

vo aur maiñ saath rahā karte the

jannat meñ

lekin is ko sadiyāñ bītīñ

ab us se merā kyā rishta

vaise vo bhī mujh jaisā hai

merī tarah khātā piitā chaltā phirtā hai

ham donoñ ham-shakl haiñ itne

kuchh bhī kare vo

chāñd pe jaa.e dhartī par

jañg kare aur ḳhuun bahā.e

aañch mire dāman par aa.e

ham donoñ ham-shakl haiñ lekin

kyā maiñ apnī maañ bahnoñ ko

chaurāhe par nañgā kar saktā huuñ

vo kartā hai

vo pistāneñ jin se maiñ ne duudh piyā

balvān banā huuñ

jin par maiñ ne sher kahe

tasvīreñ banā.īñ

kyā maiñ un ko kaaT ke

kuttoñ ko khilvā saktā huuñ

kahte haiñ khilvāyā us ne

kyā maiñ nisvānī paikar ko

jo merā mauzū-e-suḳhan hai

phuul se komal

chāñd se shītal

kī botal

jo merī biivī kā badan hai us ko

TukḌe TukḌe kar saktā huuñ

us ne kiyā hai

kyā maiñ apnī beTī se muñh kaalā kar ke

apne bhā.ī-bandoñ ham-jinsoñ ko

buDDhoñ javānoñ māsūmoñ ko

zinda jalā kar

phāñsī ke taḳhte pe chaḌhā kar

un ke lahū kā tilak lagā kar

mūñchh pe taav de saktā huuñ

us ne diyā hai

maiñ ḳhud se māyūs nahīñ huuñ

insāñ se māyūs huuñ thoḌā

aaj hī saare aḳhbāroñ meñ ḳhabar chhapī hai

is dhartī ke ik hisse gujrāt meñ us ne

mere muñh par thuuk diyā hai

main KHud se mayus nahin hun

insan se mayus hun thoDa

dharti par aane se pahle

wo aur main sath raha karte the

jannat mein

lekin is ko sadiyan bitin

ab us se mera kya rishta

waise wo bhi mujh jaisa hai

meri tarah khata pita chalta phirta hai

hum donon ham-shakl hain itne

kuchh bhi kare wo

chand pe jae dharti par

jang kare aur KHun bahae

aanch mere daman par aae

hum donon ham-shakl hain lekin

kya main apni man bahnon ko

chaurahe par nanga kar sakta hun

wo karta hai

wo pistanen jin se main ne dudh piya

balwan bana hun

jin par main ne sher kahe

taswiren banain

kya main un ko kaT ke

kutton ko khilwa sakta hun

kahte hain khilwaya us ne

kya main niswani paikar ko

jo mera mauzu-e-suKHan hai

phul se komal

chand se shital

ki botal

jo meri biwi ka badan hai us ko

TukDe TukDe kar sakta hun

us ne kiya hai

kya main apni beTi se munh kala kar ke

apne bhai-bandon ham-jinson ko

buDDhon jawanon masumon ko

zinda jala kar

phansi ke taKHte pe chaDha kar

un ke lahu ka tilak laga kar

munchh pe taw de sakta hun

us ne diya hai

main KHud se mayus nahin hun

insan se mayus hun thoDa

aaj hi sare aKHbaron mein KHabar chhapi hai

is dharti ke ek hisse gujraat mein us ne

mere munh par thuk diya hai