maine ek chiz bacha rakhi hai

ye ḳharāba

ki koī gumbad-e-tārīk hai ye

koī sūrāḳh nahīñ

koh-e-siyah ke us paar aañkh dekhe koī taarā jugnū

is ḳharābe kī sahar bhī kyā hai

bevgī

sub.h kī chaukhaT thāme

apnī peshānī kī khoī huī biñdī meñ gum

surḳh ugte hue sūraj ko khaḌī ghūrtī hai

din kā ye haal ki bas

dhuul uḌtī hai badan meñ din bhar

jeTh dopahar kī vīrān hathelī uupar

fasl kaaTe hue khetoñ ke bagūle jaise

zalzale baḳht-ḳharāba ye jahāñ

ḳhuuñ sanī rūheñ sisaktī haiñ dabī malboñ meñ

āsmāñ gahre dhueñ se hai bharā

tum agar aa sako aa kar dekho

dil ko dahlāte hue

gahre dhueñ

aur dhamākoñ ke ghane shor ke biich

maiñ ne ik chiiz bachā rakhī hai

raat dīvār pe

ik nanhe diye kī sūrat

ye KHaraba

ki koi gumbad-e-tarik hai ye

koi suraKH nahin

koh-e-siyah ke us par aankh dekhe koi tara jugnu

is KHarabe ki sahar bhi kya hai

bewgi

subh ki chaukhaT thame

apni peshani ki khoi hui bindi mein gum

surKH ugte hue suraj ko khaDi ghurti hai

din ka ye haal ki bas

dhul uDti hai badan mein din bhar

jeTh dopahar ki viran hatheli upar

fasl kaTe hue kheton ke bagule jaise

zalzale baKHt-KHaraba ye jahan

KHun sani ruhen sisakti hain dabi malbon mein

aasman gahre dhuen se hai bhara

tum agar aa sako aa kar dekho

dil ko dahlate hue

gahre dhuen

aur dhamakon ke ghane shor ke bich

main ne ek chiz bacha rakhi hai

raat diwar pe

ek nanhe diye ki surat