main purana hua

ziist ke dā.ere meñ muqayyad hue

ik zamāna huā

muskurāte hue

īstāda jo ashjār āñgan meñ the

kaT ga.e baT ga.e

dev-āsā jo saa.e the ruḳhsat hue

tā.ir-e-ḳhush-navā hijrateñ kar ga.e

har qadam hādisa

ik nayā hādisa

merī rag rag se tāqat churā le gayā

duur āfāq par TimTimāte hue

jo sitāre the ḳhvāboñ ke ojhal hue

ziist kā dā.era tang hone lagā

dā.ere se nikalne kī sab koshisheñ rā.egāñ ho ga.iiñ

ghar ke dīvār-o-dar

be-yaqīnī ke aalam meñ takne lage

aur phir der tak mujh ko takte rahe

log hañste rahe

ziist ke dā.ere meñ muqayyad hue ik zamāna huā

museum meñ mujhe ab sajā dījiye maiñ purānā huā

zist ke daere mein muqayyad hue

ek zamana hua

muskuraate hue

istada jo ashjar aangan mein the

kaT gae baT gae

dew-asa jo sae the ruKHsat hue

tair-e-KHush-nawa hijraten kar gae

har qadam hadisa

ek naya hadisa

meri rag rag se taqat chura le gaya

dur aafaq par TimTimate hue

jo sitare the KHwabon ke ojhal hue

zist ka daera tang hone laga

daere se nikalne ki sab koshishen raegan ho gain

ghar ke diwar-o-dar

be-yaqini ke aalam mein takne lage

aur phir der tak mujh ko takte rahe

log hanste rahe

zist ke daere mein muqayyad hue ek zamana hua

museum mein mujhe ab saja dijiye main purana hua