main

kis qadar raushan haiñ ab arz-o-samā

nuur hī nuur āsmāñ-tā-āsmāñ

mere andar Dūbte chaḌhte hue sūraj ka.ī

jism merā raushnī hī raushnī

paañv mere nuur ke pātāl meñ

haath mere jagmagāte āsmānoñ ko sambhāle

sar mirā kāñdhoñ pe ik sūraj

ki nādīda ḳhalāoñ se pare ubhrā huā

aur zamīñ ke roz-o-shab se chhūT kar

āgahī kī tez-rau kirnoñ pe maiñ uḌtā huā

chaar jānib ik suhānī tīrgī kī khoj meñ niklā huā

kis qadar raushan hain ab arz-o-sama

nur hi nur aasman-ta-asman

mere andar Dubte chaDhte hue suraj kai

jism mera raushni hi raushni

panw mere nur ke patal mein

hath mere jagmagate aasmanon ko sambhaale

sar mera kandhon pe ek suraj

ki nadida KHalaon se pare ubhra hua

aur zamin ke roz-o-shab se chhuT kar

aagahi ki tez-rau kirnon pe main uDta hua

chaar jaanib ek suhani tirgi ki khoj mein nikla hua