main sita hun

patī ke saath meñ

banvās meñ rahnā muqaddar hai mirā

koī rāvan mirī kuTiyā meñ bhakshak ban ke aa.e

dhoka de mujh ko

uThā le jaa.e mujh ko merī duniyā se

bichhaḌ jā.ūñ maiñ apnoñ se

bachā kar dushmanoñ se dharm bhī

maryāda bhī

zinda rakhūñ ḳhud ko

parā.e des meñ apne patī kā rāsta dekhūñ

kaTe har pal mirā sadiyoñ ke jaisā

mire dukh ko samajhne kī kisī ko kyā zarūrat hai

bhale maiñ raam kī patnī huuñ lekin huuñ to aurat hī

ye jo sammān hai is se mujhe nīche utāro

mujhe agnī parikshā se guzāro

pati ke sath mein

banwas mein rahna muqaddar hai mera

koi rawan meri kuTiya mein bhakshak ban ke aae

dhoka de mujh ko

uTha le jae mujh ko meri duniya se

bichhaD jaun main apnon se

bacha kar dushmanon se dharm bhi

maryaada bhi

zinda rakhun KHud ko

parae des mein apne pati ka rasta dekhun

kaTe har pal mera sadiyon ke jaisa

mere dukh ko samajhne ki kisi ko kya zarurat hai

bhale main ram ki patni hun lekin hun to aurat hi

ye jo samman hai is se mujhe niche utaro

mujhe agni pariksha se guzaro