majburi

bachchoñ kā saal ammī kahiye manā.eñ kaise

hote nahīñ haiñ kaafī detī ho tum jo paise

das paise kā ġhubāra ab ho gayā hai pañdrah

mahñgā huā hai ammī lo chokleT pyārā

munnī bhī ro rahī hai kahtī hai do malā.ī

kulfī bhī mahñgī mahñgī mahñgī huī miThā.ī

tum ne hī to kahā thā le kar mirī balā.eñ

bachchoñ kā saal ammī kahiye manā.eñ kaise

āḳhir ye kyā sabab hai ki saal ke shurūa se

tum de rahī ho paise kyuuñ haath roke roke

āñkhoñ meñ aañsū lā kar kahne lagīñ ye ammī

majbūr ho ga.ī huuñ ai mere nanhe-munne

sarkār hī ne is kā elaan kar diyā thā

unnīs sau unāsī bachchoñ kā saal hogā

lekin bhalā ho bachchoñ is saal ke bajaT kā

jis ne hamāre uupar taxoñ kā bojh Daalā

dil meñ to haiñ umañgeñ lā duuñ tumheñ khilaune

majbūr kar diyā hai par mulk ke bajaT ne

sochā nahīñ hai shāyad netāoñ ne hamāre

ḳhushiyāñ manā.eñ kaise bachche ye pyāre pyāre pyāre

bachchon ka sal ammi kahiye manaen kaise

hote nahin hain kafi deti ho tum jo paise

das paise ka ghubara ab ho gaya hai pandrah

mahnga hua hai ammi lo chokleT pyara

munni bhi ro rahi hai kahti hai do malai

kulfi bhi mahngi mahngi mahngi hui miThai

tum ne hi to kaha tha le kar meri balaen

bachchon ka sal ammi kahiye manaen kaise

aaKHir ye kya sabab hai ki sal ke shurua se

tum de rahi ho paise kyun hath roke roke

aankhon mein aansu la kar kahne lagin ye ammi

majbur ho gai hun ai mere nanhe-munne

sarkar hi ne is ka elan kar diya tha

unnis sau unasi bachchon ka sal hoga

lekin bhala ho bachchon is sal ke bajaT ka

jis ne hamare upar taxon ka bojh Dala

dil mein to hain umangen la dun tumhein khilaune

majbur kar diya hai par mulk ke bajaT ne

socha nahin hai shayad netaon ne hamare

KHushiyan manaen kaise bachche ye pyare pyare pyare