major-ishaq ki yaad mein

lo tum bhī ga.e ham ne to samjhā thā ki tum ne

bāñdhā thā koī yāroñ se paimān-e-vafā aur

ye ahd ki tā-umr ravāñ saath rahoge

raste meñ bichhaḌ jā.eñge jab ahl-e-safā aur

ham samjhe the sayyād kā tarkash huā ḳhālī

baaqī thā magar us meñ abhī tīr-e-qazā aur

har ḳhaar rah-e-dasht-e-vatan kā hai savālī

kab dekhiye aatā hai koī ābla-pā aur

aane meñ ta.ammul thā agar roz-e-jazā ko

achchhā thā Thahar jaate agar tum bhī zarā aur

lo tum bhi gae hum ne to samjha tha ki tum ne

bandha tha koi yaron se paiman-e-wafa aur

ye ahd ki ta-umr rawan sath rahoge

raste mein bichhaD jaenge jab ahl-e-safa aur

hum samjhe the sayyaad ka tarkash hua KHali

baqi tha magar us mein abhi tir-e-qaza aur

har KHar rah-e-dasht-e-watan ka hai sawali

kab dekhiye aata hai koi aabla-pa aur

aane mein tammul tha agar roz-e-jaza ko

achchha tha Thahar jate agar tum bhi zara aur