maqtal

mere siine pe sar rakh ke rotī rahī

merī palkoñ se palkeñ bhigotī rahī

maiñ bhī rotā rahā

mere siine pe sar rakh ke sotī rahī

maiñ bhī sotā rahā

merī āñkhoñ meñ kuchh DhūñDhtī sī rahī

maiñ bhī dekhā kiyā

ḳhāmushī ke hijāboñ meñ halchal rahī

maiñ khaḌā pur-sukūñ but taḌaptā rahā

vaqt-o-hālāt phir darmiyāñ aa ga.e

duur hote ga.e

phir ḳhudā-hāfizī

phir judā ho ga.e

phir tasavvur kī duniyā

masāfat kī aḌchan

vahī vaqt-o-hālāt kī bandisheñ

do dhaḌakte diloñ ārzuoñ ko

duniyā ne maqtal meñ apne

kiyā hai tah-e-teġh

mere sine pe sar rakh ke roti rahi

meri palkon se palken bhigoti rahi

main bhi rota raha

mere sine pe sar rakh ke soti rahi

main bhi sota raha

meri aankhon mein kuchh DhunDhti si rahi

main bhi dekha kiya

KHamushi ke hijabon mein halchal rahi

main khaDa pur-sukun but taDapta raha

waqt-o-haalat phir darmiyan aa gae

dur hote gae

phir KHuda-hafizi

phir juda ho gae

phir tasawwur ki duniya

masafat ki aDchan

wahi waqt-o-haalat ki bandishen

do dhaDakte dilon aarzuon ko

duniya ne maqtal mein apne

kiya hai tah-e-tegh