mard---aurat

kab kahāñ se chalī thī pata nahīñ

jannat ne Thukrāyā

ki aadam ne pukārā

chāroñ or ghanā jañgal

har shāḳh haath baḌhāte hī

ḳhud meñ simaT jaatī thī

jaane kab be-satr huī

kis ne sharm-gāh kī laaj rakhī

paañv ke nīche an-ginat rāheñ

be-hisāb nasheb o farāz

donoñ taraf savāl o javāb kī aTuuT ḳhvāhisheñ

ilzāmāt ke tabādale kī tayyāriyāñ

barsaha-baras kī khoj kā bas ek hī anjām

faa.el maf.ūl

qudarat fitrat

isbāt nafī

kab kahan se chali thi pata nahin

jannat ne Thukraya

ki aadam ne pukara

chaaron or ghana jangal

har shaKH hath baDhate hi

KHud mein simaT jati thi

jaane kab be-satr hui

kis ne sharm-gah ki laj rakhi

panw ke niche an-ginat rahen

be-hisab nasheb o faraaz

donon taraf sawal o jawab ki aTuT KHwahishen

ilzamat ke tabaadale ki tayyariyan

barsaha-baras ki khoj ka bas ek hi anjam

fael maful

qudarat fitrat

isbaat nafi