marne wale se jalan

zarā sā ġham nahīñ chehre pe in ke

miyāñ sar par koī rūmāl hī rakh lo

inheñ to maut aanā hī nahīñ hai

vahī ta.ane

vahī fiqre

abhī tak merā pīchhā kar rahe haiñ har janāze meñ

maiñ apnī chaal kī raftār thoḌī aur kam kar ke

nikal aatā huuñ bāhar bhiiḌ se

aur ruk ke ik dukān par cigarette jalātā huuñ

janāza duur hotā jā rahā hai

ye sab kyā hai?

adākārī nahīñ aatī mujhe to kyā karūñ maiñ

aur sachchī baat kah duuñ to mujhe pāgal samajh legī ye duniyā

haañ ye sach hai

mujhe rattī barābar ġham nahīñ hotā kisī kī maut kā

aur ye bhī sun lo

mirī jis muskurāhaT par yahāñ nārāz haiñ sab

sabab is kā jalan hai

jo maiñ mahsūs kartā huuñ kisī bhī marne vaale se

kuḌhan hotī hai mujh ko soch kar

ki maiñ jis imtihāñ ke ḳhauf se behāl aur be-chain phirtā huuñ

vo ye sāhab

jo kāñdhoñ par haiñ

un kā ho chukā

aur merā baaqī hai

zara sa gham nahin chehre pe in ke

miyan sar par koi rumal hi rakh lo

inhen to maut aana hi nahin hai

wahi tane

wahi fiqre

abhi tak mera pichha kar rahe hain har janaze mein

main apni chaal ki raftar thoDi aur kam kar ke

nikal aata hun bahar bhiD se

aur ruk ke ek dukan par cigarette jalata hun

janaza dur hota ja raha hai

ye sab kya hai?

adakari nahin aati mujhe to kya karun main

aur sachchi baat kah dun to mujhe pagal samajh legi ye duniya

han ye sach hai

mujhe ratti barabar gham nahin hota kisi ki maut ka

aur ye bhi sun lo

meri jis muskurahaT par yahan naraaz hain sab

sabab is ka jalan hai

jo main mahsus karta hun kisi bhi marne wale se

kuDhan hoti hai mujh ko soch kar

ki main jis imtihan ke KHauf se behaal aur be-chain phirta hun

wo ye sahab

jo kandhon par hain

un ka ho chuka

aur mera baqi hai