masarrat hoti hai

jab class se teacher jaate haiñ to kitnī masarrat hotī hai

ham mil kar shor machāte haiñ to kitnī masarrat hotī hai

chhuTTī kī ijāzat milte hī ham jail ke ik qaidī kī tarah

schōl se bāhar aate haiñ to kitnī masarrat hotī hai

jis vaqt paḌhāte haiñ teacher dil kitnā pareshāñ hotā hai

lekin jab khel khilāte haiñ to kitnī masarrat hotī hai

jab ham ko kisī picnic ke liye schōl kī jānib se aksar

ustād kahīñ le jaate haiñ to kitnī masarrat hotī hai

darje meñ paḌhāte vaqt aksar jab mere savāloñ par yaaro

ustād bhī chakkar khāte haiñ to kitnī masarrat hotī hai

bāzār se jā kar mere liye har maah mire pyāre paapā

bachchoñ kā risāla laate haiñ to kitnī masarrat hotī hai

in darsī kitāboñ meñ ham ko kuchh lutf nahīñ miltā lekin

jab 'kaif' kī nazmeñ gaate haiñ to kitnī masarrat hotī hai

jab class se teacher jate hain to kitni masarrat hoti hai

hum mil kar shor machate hain to kitni masarrat hoti hai

chhuTTi ki ijazat milte hi hum jail ke ek qaidi ki tarah

school se bahar aate hain to kitni masarrat hoti hai

jis waqt paDhate hain teacher dil kitna pareshan hota hai

lekin jab khel khilate hain to kitni masarrat hoti hai

jab hum ko kisi picnic ke liye school ki jaanib se aksar

ustad kahin le jate hain to kitni masarrat hoti hai

darje mein paDhate waqt aksar jab mere sawalon par yaro

ustad bhi chakkar khate hain to kitni masarrat hoti hai

bazar se ja kar mere liye har mah mere pyare papa

bachchon ka risala late hain to kitni masarrat hoti hai

in darsi kitabon mein hum ko kuchh lutf nahin milta lekin

jab 'kaif' ki nazmen gate hain to kitni masarrat hoti hai