mashwara

tum sar-e-shāḳh-e-saman baaġh meñ aayā na karo

baaġh meñ manchale bhauñre bhī uḌā karte haiñ

vo hadaf tum ko banā leñge to phir kyā hogā

baar baar aa.ine ke paas bhī jaayā na karo

baa'z ā.īne bhī jāñ-dār huā karte haiñ

vo jo siine se lagā leñge to phir kyā hogā

tum khulī chhat pe shab-e-māh meñ gaayā na karo

raat meñ chand farishte bhī phirā karte haiñ

vo agar saaz uThā leñge to phir kyā hogā

apnī sakhiyoñ ko bhī har ḳhvāb sunāyā na karo

un kī āñkhoñ meñ bhī kuchh ḳhvāb basā karte haiñ

ḳhvāb se ḳhvāb mazā leñge to phir kyā hogā

mere ahbāb se bhī haath milāyā na karo

āstīnoñ meñ bhī kuchh saañp palā karte haiñ

apnā sar gar vo uThā leñge to phir kyā hogā

tum sar-e-shaKH-e-saman bagh mein aaya na karo

bagh mein manchale bhaunre bhi uDa karte hain

wo hadaf tum ko bana lenge to phir kya hoga

bar bar aaine ke pas bhi jaya na karo

ba'z aaine bhi jaan-dar hua karte hain

wo jo sine se laga lenge to phir kya hoga

tum khuli chhat pe shab-e-mah mein gaya na karo

raat mein chand farishte bhi phira karte hain

wo agar saz uTha lenge to phir kya hoga

apni sakhiyon ko bhi har KHwab sunaya na karo

un ki aankhon mein bhi kuchh KHwab basa karte hain

KHwab se KHwab maza lenge to phir kya hoga

mere ahbab se bhi hath milaya na karo

aastinon mein bhi kuchh sanp pala karte hain

apna sar gar wo uTha lenge to phir kya hoga