mashwaron se bhari almari

mere dost, mere ḳhair-ḳhvāh

mere islāh kī ġharaz se

vaqtan-favaqtan apne qīmtī mashvaroñ se navāzte rahte haiñ

vo ye kaam puurī zimmedārī se

razākārāna buniyād par karte haiñ

agar maiñ un ke mashvaroñ par amal shurūa kar duuñ

to mumkin hai ye log

mujhe mashvare dene se baaz aa jaa.eñ

maiñ apne ḳhair-ḳhvāhoñ ke diye hue

mashvaroñ ke lifāfe

ek almārī meñ Dāltā rahtā huuñ

jo bhar chukī hai

maiñ jāntā huuñ

mashvare denā mere ḳhair-ḳhvāhoñ kā haq hai

aur un par amal na karnā merī kotāhī

mashvaroñ kā ambār ab is qadar baḌh chukā hai

ki mujhe ek na.ī almārī ḳharīdnā hogī

yā phir apne ḳhair-ḳhvāhoñ ke qīmtī mashvaroñ par

amal kā āġhāz

mere dost mere ḳhair-ḳhvāh

merī islāh kī ġharaz se

vaqtan-favaqtan mujhe apne qīmtī mashvaroñ se navāzte rahte haiñ

lekin koī merī madad karne ko tayār nahīñ

mere dost, mere KHair-KHwah

mere islah ki gharaz se

waqtan-fawaqtan apne qimti mashwaron se nawazte rahte hain

wo ye kaam puri zimmedari se

razakarana buniyaad par karte hain

agar main un ke mashwaron par amal shurua kar dun

to mumkin hai ye log

mujhe mashware dene se baz aa jaen

main apne KHair-KHwahon ke diye hue

mashwaron ke lifafe

ek almari mein Dalta rahta hun

jo bhar chuki hai

main jaanta hun

mashware dena mere KHair-KHwahon ka haq hai

aur un par amal na karna meri kotahi

mashwaron ka ambar ab is qadar baDh chuka hai

ki mujhe ek nai almari KHaridna hogi

ya phir apne KHair-KHwahon ke qimti mashwaron par

amal ka aaghaz

mere dost mere KHair-KHwah

meri islah ki gharaz se

waqtan-fawaqtan mujhe apne qimti mashwaron se nawazte rahte hain

lekin koi meri madad karne ko tayar nahin