massage

ai ġhazālī āñkhoñ vaalī

sunā hai tumhāre shahr meñ chaa.e achchhī miltī hai

so maiñ chaa.e piine aa jā.ūñ

tum bhī kisī cafe meñ aa jaanā

aur suno

farsūda samāj ke lāya.anī rasm-o-rivāj

kī baat mat karnā

chalī aanā

us ne javāban likhā

chaa.e chhoḌiye aap hamāre ghar tashrīf lā.iye

hamārī family se miliye

apnī family se milvā.iye

ham sāda-mizāj sadiyoñ purānī mehmān-navāzī se

aap kā istiqbāl kareñge

are laḌkī had kartī ho

family se kaise tumheñ milvā saktā huuñ

maiñ apnī shernī ko bhalā kyūñkar gañvā saktā huuñ

vo mujhe kachchā chabā jā.egī

vo hairānī se likhne lagī

shernī kaun shernī

javāb aayā shernī

merī sharīk-e-hayāt mere bachchoñ kī maañ

merī jaañ

tum milne aao to Thiik varna is topic ko ḳhatm karte haiñ

vo aañsū piite baḌe karb se likhne baiThī

aap mujhe bahut ġhalat samjhe haiñ

maiñ akele milne kabhī nahīñ aa saktī

āḳhir aap ne kyā soch kar ye sab kahā hai

khilkhilāte icon ke saath us kā massage numūdār huā

are laḌkī tum meñ zarā hiss-e-mizāh nahīñ hai

mazāq ko bhī tum koḌh maġhz nahīñ samajhtī

ye sab az-rā.e tafannun kahā hai

ai ghazali aankhon wali

suna hai tumhaare shahr mein chae achchhi milti hai

so main chae pine aa jaun

tum bhi kisi cafe mein aa jaana

aur suno

farsuda samaj ke layani rasm-o-riwaj

ki baat mat karna

chali aana

us ne jawaban likha

chae chhoDiye aap hamare ghar tashrif laiye

hamari family se miliye

apni family se milwaiye

hum sada-mizaj sadiyon purani mehman-nawazi se

aap ka istiqbaal karenge

are laDki had karti ho

family se kaise tumhein milwa sakta hun

main apni sherni ko bhala kyunkar ganwa sakta hun

wo mujhe kachcha chaba jaegi

wo hairani se likhne lagi

sherni kaun sherni

jawab aaya sherni

meri sharik-e-hayat mere bachchon ki man

meri jaan

tum milne aao to Thik warna is topic ko KHatm karte hain

wo aansu pite baDe karb se likhne baiThi

aap mujhe bahut ghalat samjhe hain

main akele milne kabhi nahin aa sakti

aaKHir aap ne kya soch kar ye sab kaha hai

khilkhilate icon ke sath us ka massage numudar hua

are laDki tum mein zara hiss-e-mizah nahin hai

mazaq ko bhi tum koDh maghz nahin samajhti

ye sab az-rae tafannun kaha hai