maut jo mera muqaddar thi
Interesting Fact
('Urdu Zaban', Sargodha. September, October 1973)
bahut maiñ ne is muḳhtasar zindagī meñ
azīz-o-aqārib ke sadmāt dekhe
bahut dostoñ kī javāñ mayyatoñ ko
sisakte hue maiñ ne kāñdhā diyā hai
bahut mehrbānoñ kī majrūh lāshoñ ke tābūt
miTTī ke muñh meñ utāre
magar
merī be-rahm manhūs āñkheñ
ye dil-doz manzar sameTe hue
phir na.e zaḳhm tak mundamil ho ga.iiñ
har dafa
apne ashkoñ ke tūfān ko
thapkiyāñ de ke maiñ ne sulā hī diyā
aur ḳhud se kahā
TūTnā hī sitāroñ kī qismat meñ thā
ye sabhī apnī qismat ke likkhe hue faisloñ ke mutābiq
zamāne ko dhutkār kar jā rahe haiñ
magar
kal ik aisī bhī mayyat uThā.ī
ki maiñ
jis ke jazbe kī gahrā.iyoñ ke samundar meñ
aksar utartā rahā thā
mujhe yuuñ lagā
jaise maiñ apne kāñdhe pe
apnā janāza uThā.e hue huuñ
mujhe yuuñ lagā
jaise ye maut merā muqaddar thī
jis ko koī dūsrā chhīn kar le gayā hai
mujhe yuuñ lagā
jaise is bojh ko
jo mere zehn meñ parvarish pā rahā thā
ta.āqub kī be-mehr zad se bachā kar
kisī aise tārīk goshe ke andar
chhupāne chalā huuñ
jahāñ raaz ko
faash hone kī kotāhiyoñ se bachā luuñ
bahut main ne is muKHtasar zindagi mein
aziz-o-aqarib ke sadmat dekhe
bahut doston ki jawan mayyaton ko
sisakte hue main ne kandha diya hai
bahut mehrbanon ki majruh lashon ke tabut
miTTi ke munh mein utare
magar
meri be-rahm manhus aankhen
ye dil-doz manzar sameTe hue
phir nae zaKHm tak mundamil ho gain
har dafa
apne ashkon ke tufan ko
thapkiyan de ke main ne sula hi diya
aur KHud se kaha
TuTna hi sitaron ki qismat mein tha
ye sabhi apni qismat ke likkhe hue faislon ke mutabiq
zamane ko dhutkar kar ja rahe hain
magar
kal ek aisi bhi mayyat uThai
ki main
jis ke jazbe ki gahraiyon ke samundar mein
aksar utarta raha tha
mujhe yun laga
jaise main apne kandhe pe
apna janaza uThae hue hun
mujhe yun laga
jaise ye maut mera muqaddar thi
jis ko koi dusra chhin kar le gaya hai
mujhe yun laga
jaise is bojh ko
jo mere zehn mein parwarish pa raha tha
taaqub ki be-mehr zad se bacha kar
kisi aise tarik goshe ke andar
chhupane chala hun
jahan raaz ko
fash hone ki kotahiyon se bacha lun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
