maut ka intizar safed chaak se
maut kā intizār safed chaak se
āsmān ke siyāh māthe par
do naam
ek allāh kā ek rasūl kā
phir safed chaak
donoñ hoñToñ ke darmiyān
us kā duudh shiir aur shahad milā
baa.eñ jānib muḌ kar
ek dīvār par karl marx kā naam
us par ugī huiiñ ḳhaufnāk zabāneñ
aur
us ke atrāf khule ho bijlī ke taar
saañp laplapāte hue
daa.eñ jānib
ek khulī huī khiḌkī
ek jhoñpaḌī jis meñ nahātī huī ek
doshīza
pistānoñ se ubhartī huī zarḳhezī
kūlhoñ par chamaktī huī dhuup
ḳhudāvand zamīn raushan ho rahī hai
āñkheñ band
TuuTe hue khilaunoñ kī dukān
aur un meñ paḌe hue
lañgḌe ghoḌe aur be-sūñD hāthī
vaqt baḌā vaznī hai
aur sust raftār
maut ka intizar safed chaak se
aasman ke siyah mathe par
do nam
ek allah ka ek rasul ka
phir safed chaak
donon honTon ke darmiyan
us ka dudh shir aur shahad mila
baen jaanib muD kar
ek diwar par karl marx ka nam
us par ugi huin KHaufnak zabanen
aur
us ke atraf khule ho bijli ke tar
sanp laplapate hue
daen jaanib
ek khuli hui khiDki
ek jhonpaDi jis mein nahati hui ek
doshiza
pistanon se ubharti hui zarKHezi
kulhon par chamakti hui dhup
KHudawand zamin raushan ho rahi hai
aankhen band
TuTe hue khilaunon ki dukan
aur un mein paDe hue
langDe ghoDe aur be-sunD hathi
waqt baDa wazni hai
aur sust raftar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
