aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

موت میری جان موت

عمیق حنفی

موت میری جان موت

عمیق حنفی

MORE BYعمیق حنفی

    موت میری جان موت

    تو بڑی مدت سے میری تاک میں ہے

    زندگی ممتا بھری ماں

    اور تو اے موت اک معشوقہ وا آغوش

    ریت اور پتھر ہزاروں سال ہم بستر رہے لیکن

    گھاس کی پتی بھی پیدا کر نہ پائے

    زندگی اور یہ زمانہ بھی بڑی مدت سے ہم آغوش ہیں

    خیر اس قصے کو چھوڑ کر

    دیکھ

    ریچھ کے پیروں سا دست سود خوار

    اپنے ٹیڑھے میڑھے ناخن

    یا تری وحشی نگاہ

    میرے سینے میں گڑ دئیے جا رہا ہے

    آنکھ

    خلوت کی جھلستی ریت پر

    آب پاش

    اور تپتی ریت سے

    کوئی کونپل

    کوئی رنگ

    کوئی خوشبو

    کوئی شے اٹھتی نہیں

    ایک بھورا پن

    خلوت بے رنگ کو بد رنگ کر جاتا ہے بس

    روشنائی خشک نب ٹوٹی ہوئی کاغذ کی آنکھیں نم

    دیمکوں کا گھر دماغ

    اور میری تاک میں تو

    کیوں رگ و پے میں سرایت کر رہا ہے یہ سیاہ احساس

    لمحہ لمحہ ختم ہوتا جا رہا ہوں

    آنکھ سے ٹپکے ہوئے اشکوں کے ساتھ

    قطرہ قطرہ ختم!

    نقطہ نقطہ ختم!

    چھ تبسم قرض لے کر

    سود میں اپنے بدن کا گوشت ادا کرنے کے ہر وعدے کے ساتھ

    ختم ہوتے جا رہے مجھ کو اگر پا بھی گئی تو کیا کرے گی

    موت میری جان موت

    RECITATIONS

    عاطف بلوچ

    عاطف بلوچ,

    نعمان شوق

    نعمان شوق,

    عاطف بلوچ

    موت میری جان موت عاطف بلوچ

    نعمان شوق

    موت میری جان موت نعمان شوق

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے