maut
apnī soī huī duniyā ko jagā luuñ to chalūñ
apne ġham-ḳhāne meñ ik dhuum machā luuñ to chalūñ
aur ik jām-e-mai-e-talḳh chaḌhā luuñ to chalūñ
abhī chaltā huuñ zarā ḳhud ko sambhālūñ to chalūñ
jaane kab pī thī abhī tak hai mai-e-ġham kā ḳhumār
dhundlā dhundlā nazar aatā hai jahān-e-bedār
āñdhiyāñ chaltī haiñ duniyā huī jaatī hai ġhubār
aañkh to mal luuñ zarā hosh meñ aa luuñ to chalūñ
vo mirā sehr vo ejaaz kahāñ hai laanā
merī khoī huī āvāz kahāñ hai laanā
mirā TuuTā huā vo saaz kahāñ hai laanā
ik zarā giit bhī is saaz pe gā luuñ to chalūñ
maiñ thakā haarā thā itne meñ jo aa.e bādal
kisī matvāle ne chupke se baḌhā dī botal
uf vo rañgīn pur-asrār ḳhayāloñ ke mahal
aise do chaar mahal aur banā luuñ to chalūñ
mujh se kuchh kahne ko aa.ī hai mire dil kī jalan
kyā kiyā maiñ ne zamāne meñ nahīñ jis kā chalan
āñsūo tum ne to bekār bhigoyā dāman
apne bhīge hue dāman ko sukhā luuñ to chalūñ
merī āñkhoñ meñ abhī tak hai mohabbat kā ġhurūr
mere hoñToñ ko abhī tak hai sadāqat kā ġhurūr
mere māthe pe abhī tak hai sharāfat kā ġhurūr
aise vahmoñ se zarā ḳhud ko nikālūñ to chalūñ
apni soi hui duniya ko jaga lun to chalun
apne gham-KHane mein ek dhum macha lun to chalun
aur ek jam-e-mai-e-talKH chaDha lun to chalun
abhi chalta hun zara KHud ko sambhaalun to chalun
jaane kab pi thi abhi tak hai mai-e-gham ka KHumar
dhundla dhundla nazar aata hai jahan-e-bedar
aandhiyan chalti hain duniya hui jati hai ghubar
aankh to mal lun zara hosh mein aa lun to chalun
wo mera sehr wo ejaz kahan hai lana
meri khoi hui aawaz kahan hai lana
mera TuTa hua wo saz kahan hai lana
ek zara git bhi is saz pe ga lun to chalun
main thaka haara tha itne mein jo aae baadal
kisi matwale ne chupke se baDha di botal
uf wo rangin pur-asrar KHayalon ke mahal
aise do chaar mahal aur bana lun to chalun
mujh se kuchh kahne ko aai hai mere dil ki jalan
kya kiya main ne zamane mein nahin jis ka chalan
aansuo tum ne to bekar bhigoya daman
apne bhige hue daman ko sukha lun to chalun
meri aankhon mein abhi tak hai mohabbat ka ghurur
mere honTon ko abhi tak hai sadaqat ka ghurur
mere mathe pe abhi tak hai sharafat ka ghurur
aise wahmon se zara KHud ko nikalun to chalun
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
