maut

ye shaam

itnī thakan-ālūd aur itnī bojhal

ki mazīd ek qadam bhī

dushvār ho ke rah jaa.e

ye shaam

itnī hirāsāñ

ki lab apne

duā kā lafz bhī dohrā na sakeñ

ye shaam

itnī mukaddar ki chaa.e kā piyāla

bas ek ghūñT meñ

zā.iqa hī kho baiThe

ye shaam

itnī balā-ḳhez ki niiñd kī pariyāñ

āḳhirī pahar meñ aa.eñ

zarā sī der ko Thahreñ

aur ruuTh kar chalī jaa.eñ

ye shaam

aisī sharāra ki jaañ jhulas jaa.e

ye shaam

itnī bhayānak ki jaise mahbas ho

ye shaam

itnī siyah-fām ki āsmāñ pe shafaq

aur ruuTh kar chalī jaa.e

ye shaam

aisī sharāra ki jaañ jhulas jaa.e

ye shaam

itnī bhayānak ki jaise mahbas ho

ye shaam

itnī siyah-fām ki āsmāñ pe shafaq

bas ek pal hī Thahar kar fanā ho jaa.e

ye shaam

itnī fasurda ki āḳhir-e-shab

sahar ḳhud apnā hī chehra lahūluhān kar Daale

ufuq se jhāñk kar

ufaq hī pe mar jaa.e

ye sham

itni thakan-alud aur itni bojhal

ki mazid ek qadam bhi

dushwar ho ke rah jae

ye sham

itni hirasan

ki lab apne

dua ka lafz bhi dohra na saken

ye sham

itni mukaddar ki chae ka piyala

bas ek ghunT mein

zaiqa hi kho baiThe

ye sham

itni bala-KHez ki nind ki pariyan

aaKHiri pahar mein aaen

zara si der ko Thahren

aur ruTh kar chali jaen

ye sham

aisi sharara ki jaan jhulas jae

ye sham

itni bhayanak ki jaise mahbas ho

ye sham

itni siyah-fam ki aasman pe shafaq

aur ruTh kar chali jae

ye sham

aisi sharara ki jaan jhulas jae

ye sham

itni bhayanak ki jaise mahbas ho

ye sham

itni siyah-fam ki aasman pe shafaq

bas ek pal hi Thahar kar fana ho jae

ye sham

itni fasurda ki aaKHir-e-shab

sahar KHud apna hi chehra lahuluhan kar Dale

ufuq se jhank kar

ufaq hi pe mar jae