mazdur

bār-e-hastī se pareshān nazar aatā hai

rang-e-duniyā pe vo hairān nazar aatā hai

bazm-e-dānish meñ pashemān nazar aatā hai

yūrish-e-ġham se vo halkān nazar aatā hai

shiddat-e-karb se be-jān nazar aatā hai

paikar-e-dard vo insān nazar aatā hai

sub.h-dam khet meñ khaliyān meñ kohsāroñ meñ

shaam tak ret ke uThte hue tūfānoñ meñ

shāh-rāhoñ meñ kabhī shahr ke aivānoñ meñ

tang galiyoñ meñ kabhī gaañv ke maidānoñ meñ

shiddat-e-karb se be-jān nazar aatā hai

paikar-e-dard vo insān nazar aatā hai

pā-ba-zanjīr vo jakḌā huā ḳhar-kāroñ meñ

koh-o-sahrā meñ kabhī dasht meñ vīrānoñ meñ

mele Thele meñ kabhī aam guzargāhoñ meñ

sabza-zāroñ meñ kabhī ujḌe gulistānoñ meñ

shiddat-e-karb se be-jān nazar aatā hai

paikar-e-dard vo insān nazar aatā hai

reg-zāroñ meñ surangoñ meñ nihāñ-ḳhānoñ meñ

kisht-e-vīrāñ meñ kabhī gaañv ke khaliyānoñ meñ

rizq kī khoj meñ jangal meñ bayābānoñ meñ

sub.h tā-shām magan nit-na.e armānoñ meñ

shiddat-e-karb se be-jān nazar aatā hai

paikar-e-dard vo insān nazar aatā hai

shorish-e-dard se din-rāt sisaktā mazdūr

justujū-e-rah-e-manzil meñ bhaTaktā mazdūr

zeb-o-zīnat kī mahāfil se jhijhaktā mazdūr

apnī mehnat ke pasīne meñ mahaktā mazdūr

shiddat-e-karb se be-jān nazar aatā hai

paikar-e-dard vo insān nazar aatā hai

bar-e-hasti se pareshan nazar aata hai

rang-e-duniya pe wo hairan nazar aata hai

bazm-e-danish mein pasheman nazar aata hai

yurish-e-gham se wo halkan nazar aata hai

shiddat-e-karb se be-jaan nazar aata hai

paikar-e-dard wo insan nazar aata hai

subh-dam khet mein khaliyan mein kohsaron mein

sham tak ret ke uThte hue tufanon mein

shah-rahon mein kabhi shahr ke aiwanon mein

tang galiyon mein kabhi ganw ke maidanon mein

shiddat-e-karb se be-jaan nazar aata hai

paikar-e-dard wo insan nazar aata hai

pa-ba-zanjir wo jakDa hua KHar-karon mein

koh-o-sahra mein kabhi dasht mein viranon mein

mele Thele mein kabhi aam guzargahon mein

sabza-zaron mein kabhi ujDe gulistanon mein

shiddat-e-karb se be-jaan nazar aata hai

paikar-e-dard wo insan nazar aata hai

reg-zaron mein surangon mein nihan-KHanon mein

kisht-e-viran mein kabhi ganw ke khaliyanon mein

rizq ki khoj mein jangal mein bayabanon mein

subh ta-sham magan nit-nae armanon mein

shiddat-e-karb se be-jaan nazar aata hai

paikar-e-dard wo insan nazar aata hai

shorish-e-dard se din-raat sisakta mazdur

justuju-e-rah-e-manzil mein bhaTakta mazdur

zeb-o-zinat ki mahafil se jhijhakta mazdur

apni mehnat ke pasine mein mahakta mazdur

shiddat-e-karb se be-jaan nazar aata hai

paikar-e-dard wo insan nazar aata hai