megh dut

sansanāhaToñ ke saath

gaḌgaḌāhaToñ ke saath

aa gayā!

pavan-rath pe baiTh kar

merā megh devtā

dosh par havāoñ ke

baal uḌātā huā

us kā jāmunī badan

āsmāñ pe chhā gayā

duur tak garaj huī

zamīñ dahalne lagī

āsmāñ simaT gayā

baḌī ghan-garaj ke saath

TuuT kar baras paḌā

aur maiñ aañkh muuñd kar

haath pasāre hue

dauḌtī chalī ga.ī

añg se lagā rahī

niil us ke añg kā

maiñ ki bint-e-jijr huuñ

mujh meñ aisī pyaas hai

maiñ ki mere vāste

vasl bhī firāq hai

mujh meñ aisī aag hai

megh-ras meñ bhiig kar

hāñptī khaḌī khaḌī

kah rahā hai dil merā

yahī hai

madhur milan kī ghaḌī

sansanahaTon ke sath

gaDgaDahaTon ke sath

aa gaya!

pawan-rath pe baiTh kar

mera megh dewta

dosh par hawaon ke

baal uData hua

us ka jamuni badan

aasman pe chha gaya

dur tak garaj hui

zamin dahalne lagi

aasman simaT gaya

baDi ghan-garaj ke sath

TuT kar baras paDa

aur main aankh mund kar

hath pasare hue

dauDti chali gai

ang se laga rahi

nil us ke ang ka

main ki bint-e-jijr hun

mujh mein aisi pyas hai

main ki mere waste

wasl bhi firaq hai

mujh mein aisi aag hai

megh-ras mein bhig kar

hanpti khaDi khaDi

kah raha hai dil mera

yahi hai

madhur milan ki ghaDi