mehwar

hamārī āñkhoñ meñ jalne vaale nuqūsh baaqī haiñ

kaan mausam kī garm aahaT se chauñk uThte haiñ

bhīgī miTTī kā lams fan ko nikhār detā hai

nursery ke purāne gamloñ meñ parvarish ke tamām ādāb

ḳhuub sajte haiñ

havā abhī tak hamāre peḌoñ kī sard shāḳhoñ meñ sarsarātī hai

hoñT hilte haiñ

aur gaa.ek hamāre vijdān kī shat aur athāh lahroñ meñ bah nikaltā hai

hamārī ma.asūm ātmāoñ kī jot dhartī pe jāgtī hai

hamārī mehvar pe ghūmtī hai

kyā huā jo hamārī duniyā meñ din kī nafrat

yā shab kā dhokā bhī hādisa hai hamāre alfāz kā

na koī tārīḳh sā.atoñ kī

na koī virsa na koī tahzīb

sab ġhalat hai

mufāhamat ke tamām bandhan bikhar chuke haiñ

hamārī āñkheñ hī dekhtī haiñ

aur koī āvāz hamārī tārīḳh kī hikāyat se māvarā hai

dimāġh patthar ugā rahe haiñ

hamari aankhon mein jalne wale nuqush baqi hain

kan mausam ki garm aahaT se chaunk uThte hain

bhigi miTTi ka lams fan ko nikhaar deta hai

nursery ke purane gamlon mein parwarish ke tamam aadab

KHub sajte hain

hawa abhi tak hamare peDon ki sard shaKHon mein sarsaraati hai

honT hilte hain

aur gaek hamare wijdan ki shat aur athah lahron mein bah nikalta hai

hamari masum aatmaon ki jot dharti pe jagti hai

hamari mehwar pe ghumti hai

kya hua jo hamari duniya mein din ki nafrat

ya shab ka dhoka bhi hadisa hai hamare alfaz ka

na koi tariKH saaton ki

na koi wirsa na koi tahzib

sab ghalat hai

mufahamat ke tamam bandhan bikhar chuke hain

hamari aankhen hi dekhti hain

aur koi aawaz hamari tariKH ki hikayat se mawara hai

dimagh patthar uga rahe hain