mera kaghaz kai janmon se safed hai

diyā bujhā do

ab añdhere se ḳhatra nahīñ

raushnī ke Dasne kā

imkān ziyāda hai

buḳhār kī hiddat meñ bahte vajūd par

ik vajd taarī ho gayā

taḌaptī ruuh se juḌā lā-shu.ūrī hāshiya dekh kar

sāñsoñ kī mahak badalne lagī

jism jalne kī badbū se uktā.e

kamre kī vahshat muñh chhupā.e

ik kone meñ baiThī aag

sard-gūñ hai

chīḳh kā daurāniya

raat ke āḳhirī pahar tak mahdūd thā

ḳhizāoñ kī majmūī hikmat-e-amalī

bahār shikast khātī dikhā.ī dī

din ke saa.e baḌhne lage

aur phir phuul ne ḳhud-kushī kī

jis meñ zindagī kī suuī nāchtī hai

vo lamha mar gayā hai

koī qahqaha gūñjtā huā samā.atoñ pe thappaḌ lagā

hañsne se vahshat bedār hone lagī

insānī āvāzoñ kī guuñj se duur bhāgtī

chanāb kināre ret par baiThī maiñ

kyā likhūñ

siyāhī surḳh hai aur

merā kāġhaz ka.ī janmoñ se safed hai

diya bujha do

ab andhere se KHatra nahin

raushni ke Dasne ka

imkan ziyaada hai

buKHar ki hiddat mein bahte wajud par

ek wajd tari ho gaya

taDapti ruh se juDa la-shuuri hashiya dekh kar

sanson ki mahak badalne lagi

jism jalne ki badbu se uktae

kamre ki wahshat munh chhupae

ek kone mein baiThi aag

sard-gun hai

chiKH ka dauraniya

raat ke aaKHiri pahar tak mahdud tha

KHizaon ki majmui hikmat-e-amali

bahaar shikast khati dikhai di

din ke sae baDhne lage

aur phir phul ne KHud-kushi ki

jis mein zindagi ki sui nachti hai

wo lamha mar gaya hai

koi qahqaha gunjta hua samaaton pe thappaD laga

hansne se wahshat bedar hone lagi

insani aawazon ki gunj se dur bhagti

chanab kinare ret par baiThi main

kya likhun

siyahi surKH hai aur

mera kaghaz kai janmon se safed hai