میرا وطن ہندوستان

اے میرے پیارے وطن ہندوستان

ہے بہت دلچسپ تیری داستان

ہر فضا تیری لبھاتی ہے ہمیں

ہر ادا تیری تو بھاتی ہے ہمیں

تیرے ہر گلشن میں پنچھی نغمہ خواں

آشیاں در آشیاں رطب اللساں

مختلف تہذیب کے انساں یہاں

بولتے ہیں اپنی اپنی بولیاں

سونے چاندی سے اٹی ہے یہ زمیں

ایسی دھرتی ساری دنیا میں نہیں

کس قدر ہے دل نشیں تیری فضا

ارض بطحا تک گئی تیری فضا

میرؔ و غالبؔ حسرتؔ و چکبستؔ نے

بھر دئیے دفتر تری تعریف سے

خوب صورت اے مرے ہندوستاں

تجھ پہ کرتے ہیں فدا ہم اپنی جاں

ہے خدائے پاک تیرا پاسباں

زندہ و پایندہ باد ہندوستان