mere shair zinda rahna

mirā dil kuchh Duub rahā hai

jab se maiñ ne

nam palkoñ kī os meñ Duubī

Duubī sī ik nazm paḌhī hai

chup chup baiThī soch rahī huuñ

tum ne āḳhir ye kyoñ sochā

tum tanhā ho

merī aañkh kā saarā afsūñ

merā komal komal saaya

narm havā meñ shāmil ho ke

paas tumhāre na aayā kyā

chup chup baiThī soch rahī huuñ

tum ne āḳhir ye kyā likkhā

TūTā-phūTā ek gharauñdā

jaane kab kā bikhar chukā huuñ

apnī ruuh ke añdhiyāroñ meñ

utar chukā huuñ

tum ho sāhab

nuur kā haala

maañg kī afshāñ

chandan maalā

mere shā.ir

zinda rahnā

mere shā.ir zinda rahnā

mera dil kuchh Dub raha hai

jab se main ne

nam palkon ki os mein Dubi

Dubi si ek nazm paDhi hai

chup chup baiThi soch rahi hun

tum ne aaKHir ye kyon socha

tum tanha ho

meri aankh ka sara afsun

mera komal komal saya

narm hawa mein shamil ho ke

pas tumhaare na aaya kya

chup chup baiThi soch rahi hun

tum ne aaKHir ye kya likkha

TuTa-phuTa ek gharaunda

jaane kab ka bikhar chuka hun

apni ruh ke andhiyaron mein

utar chuka hun

tum ho sahab

nur ka haala

mang ki afshan

chandan mala

mere shair

zinda rahna

mere shair zinda rahna