mere siwa

tū hī batlā ki bhalā mere sivā duniyā meñ

kaun samjhegā in āñkhoñ ke tabassum kā gudāz

in sharar-bār nigāhoñ meñ magar mere sivā

dekh pā.egā bhalā kaun karam ke andāz

jin fazāoñ meñ bhaTakte haiñ ḳhayālāt tire

hai vahāñ kaun ba-juz mere tirā ham-parvāz

kaun paḌh pā.egā tahrīr-e-jabīn-e-shaffāf

kas ko mal saktā hai be-vaj.h taġhāful kā javāz

kaun samjhegā ba-juz mere tirā huzn-o-alam

jab tire dosh pe bikhrī bhī na vo zulf-e-darāz

to hī batlā ki bhalā kaun samajh pā.egā

tere hoñToñ se bahut duur tirī aah kā raaz

jazb ho kar shab-e-tārīk ke sannāTe meñ

kaun is tarah sunegā tire dil kī āvāz

tu hi batla ki bhala mere siwa duniya mein

kaun samjhega in aankhon ke tabassum ka gudaz

in sharar-bar nigahon mein magar mere siwa

dekh paega bhala kaun karam ke andaz

jin fazaon mein bhaTakte hain KHayalat tere

hai wahan kaun ba-juz mere tera ham-parwaz

kaun paDh paega tahrir-e-jabin-e-shaffaf

kas ko mal sakta hai be-wajh taghaful ka jawaz

kaun samjhega ba-juz mere tera huzn-o-alam

jab tere dosh pe bikhri bhi na wo zulf-e-daraaz

to hi batla ki bhala kaun samajh paega

tere honTon se bahut dur teri aah ka raaz

jazb ho kar shab-e-tarik ke sannaTe mein

kaun is tarah sunega tere dil ki aawaz