meri Diary

dil ke jazboñ se mulāqāteñ kiyā kartī hai

Diary mujh se bahut bāteñ kiyā kartī hai

lams jazbāt kā ehsās kī tāsīroñ kā

intizār us ko rahā kartā hai tahrīroñ kā

un se maiñ dil kī kahūñ baat kahā karte haiñ

kuchh likhūñ un pe ye safhāt kahā karte haiñ

Diary kahtī hai kuchh kaam banāne haiñ mire

tujh ko jazbāt se aurāq sajāne haiñ mire

vaqt is moḌ pe ham donoñ ko laatā hai kabhī

bhuul jaatā hai to ye vaqt bhī aatā hai kabhī

tū nahīñ hotā to kyā hotā hai batlātī huuñ

apnī sochoñ se ulajhtī hī chalī jaatī huuñ

jab tū uThtā hai kisī baat ko likhne ke liye

apnī yādoñ ko ḳhayālāt ko likhne ke liye

dil-nashīñ shauq ke paikar meñ Dhalī jaatī huuñ

pur-sukūñ niiñd kī vaadī meñ chalī jaatī huuñ

vaqt kab Thahrā hai vo vaqt bhī aa jā.egā

chhoḌ ke mujh ko yahāñ tū bhī chalā jā.egā

kal tire baa'd milegī koī izzat mujh ko

ye ḳhayāl aate hī detā hai aziyyat mujh ko

log rakkheñge aham kitnā mujhe tere baa'd

kaun chāhegā bhalā itnā mujhe tere baa'd

dil ke jazbon se mulaqaten kiya karti hai

Diary mujh se bahut baaten kiya karti hai

lams jazbaat ka ehsas ki tasiron ka

intizar us ko raha karta hai tahriron ka

un se main dil ki kahun baat kaha karte hain

kuchh likhun un pe ye safhat kaha karte hain

Diary kahti hai kuchh kaam banane hain mere

tujh ko jazbaat se auraq sajaane hain mere

waqt is moD pe hum donon ko lata hai kabhi

bhul jata hai to ye waqt bhi aata hai kabhi

tu nahin hota to kya hota hai batlati hun

apni sochon se ulajhti hi chali jati hun

jab tu uThta hai kisi baat ko likhne ke liye

apni yaadon ko KHayalat ko likhne ke liye

dil-nashin shauq ke paikar mein Dhali jati hun

pur-sukun nind ki wadi mein chali jati hun

waqt kab Thahra hai wo waqt bhi aa jaega

chhoD ke mujh ko yahan tu bhi chala jaega

kal tere ba'd milegi koi izzat mujh ko

ye KHayal aate hi deta hai aziyyat mujh ko

log rakkhenge aham kitna mujhe tere ba'd

kaun chahega bhala itna mujhe tere ba'd