meri nani achchhi nani
merī naanī achchhī naanī mujh par vaarī jaatī thī
mere laal ko aave nindiyā haule-haule gaatī thī
raat ga.e tak pañkhā jhaltī lorī mujhe sunātī thī
merī naanī achchhī naanī mujh par vaarī jaatī thī
haath pakaḌ kar piyāñ-piyāñ chalnā mujhe sikhātī thī
kis-kis chaav se mujhe khilātī kyā-kyā naaz uThātī thī
merī naanī achchhī naanī mujh par vaarī jaatī thī
baḌe maze kī baat to ye hai yaad use kam rahtā thā
paan agar vo lene jaatī peppermint le aatī thī
merī naanī achchhī naanī mujh par vaarī jaatī thī
is duniyā meñ jo aayā hai us ko lauT ke jaanā hai
shāyad jannat ke bāġhoñ kī ḳhushbū use lubhātī thī
merī naanī achchhī naanī mujh par vaarī jaatī thī
meri nani achchhi nani mujh par wari jati thi
mere lal ko aawe nindiya haule-haule gati thi
raat gae tak pankha jhalti lori mujhe sunati thi
meri nani achchhi nani mujh par wari jati thi
hath pakaD kar piyan-piyan chalna mujhe sikhati thi
kis-kis chaw se mujhe khilati kya-kya naz uThati thi
meri nani achchhi nani mujh par wari jati thi
baDe maze ki baat to ye hai yaad use kam rahta tha
pan agar wo lene jati peppermint le aati thi
meri nani achchhi nani mujh par wari jati thi
is duniya mein jo aaya hai us ko lauT ke jaana hai
shayad jannat ke baghon ki KHushbu use lubhati thi
meri nani achchhi nani mujh par wari jati thi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
