meri zindagi ke do ruKH

ek ruḳh

sāz-e-darūñ se jal na uTheñ jism-o-jāñ kahīñ

rag rag na merī phūñk de qalb-e-tapāñ kahīñ

gum-sum huuñ aur shashdar-o-hairāñ kuchh is tarah

jaise ki kho chukā huuñ maiñ rūh-e-ravāñ kahīñ

us naav kī tarah huuñ maiñ maujoñ ke rahm par

lañgar ho jis ke TuuTe kahīñ bādbāñ kahīñ

yā mast naaz sarv sā koī nihāl-e-sabz

aa jaa.e zid meñ barq kī jo nā-gahāñ kahīñ

yā jis tarah bahār meñ murġh-e-shikasta par

hasrat se dekhtā huuñ sū-e-asmāñ kahīñ

maġhlūb is qadar huuñ maiñ ehsās-e-ġham se aaj

kho jaa.e siskiyoñ meñ na ye dāstāñ kahīñ

biite dinoñ ke ḳhvāb haiñ āñkhoñ ke sāmne

fardā kā ek ḳhauf hai dil meñ nihāñ kahīñ

nikle the jab vatan se ham apne ba-hāl-e-zār

manzil kā thā ḳhayāl na nām-o-nishāñ kahīñ

kuchh aisī muntashir sī huī dostī kī bazm

patte bikher detī hai jaise ḳhizāñ kahīñ

zinda hai yaar sohbateñ baaqī magar kahāñ

dīvār khiñch ga.ī hai na.ī darmiyāñ kahīñ

fardā pe kyā yaqīn ho nālāñ huuñ haal par

maazī kī samt le chale umr-e-ravāñ kahīñ

bād-e-sabā ke shānoñ pe amvāj-e-nūr par

le jaao mujh ko dostoñ ke darmiyāñ kahīñ

yā sham.a merī yādoñ kī gul kar do ek ek

tārīk dil kā gosha na ho zau-fishāñ kahīñ

rūdād-e-ġham sunāte hī yuuñ aa.ī un kī yaad

maiñ huuñ kahīñ ḳhayāl kahīñ dāstāñ kahīñ

ojhal haiñ go nigāh se dil se kahīñ haiñ duur

zikr-e-habīb ab bhī hai vird-e-zabāñ kahīñ

dūsrā ruḳh

kyoñ inqilāb-e-dahr se ab muztarib hai tū

dekhā hai ek haal pe daur-e-zamāñ kahīñ

āġhosh-e-inqalāb meñ palnā hai irtiqā

mar jaa.eñ ghuT ke badleñ na gar ye jahāñ kahīñ

mahshar-ba-dāmāñ lahja hai duniyā kā ek ek

maazī ke DhūñDhtā hai magar tū nishāñ kahīñ

tūfāñ ne baḌh ke qasr ko qaisar ke jā liyā

rotā hai tū ki merā nahīñ āshiyāñ kahīñ

paiham ravāñ hai nit na.ī manzil kī raah meñ

ruktā hai zindagī kā bhalā kārvāñ kahīñ

dukh dard aate dekh ke hotā hai ye gumāñ

ho zabt kā hamāre na ye imtihāñ kahīñ

aa.ī ḳhizāñ bahār bhī hogī qarīb hī

fitrat kā ye na raaz ho ġham meñ nihāñ kahīñ

kab tak tū rahm khā.egā ḳhud apne haal par

kab tak tirī talāsh dil-e-mehrbāñ kahīñ

ḳhush kar na tū kisī ko qasīde sunā sunā

jhukne na paa.e sar ba-dar-e-āstāñ kahīñ

fursat kahāñ kise jo terā hāl-e-ġham sune

duniyāñ ko apnī kam hai pareshāniyāñ kahīñ

siine ke apne ghaav ko hañs hañs ke tū chhupā

duniyā pe hone paa.e na hargiz ayaañ kahīñ

ġham ke tarāne chhoḌ ke ḳhushiyoñ ke giit gā

mushkil ko sahal karte haiñ āh-o-fuġhāñ kahīñ

pā-e-talab na lañg ho aur azm ho javāñ

mard-e-ḳhudā pe tañg hai hindostāñ kahīñ

go sabr-āzmā hai masāfat kī mushkileñ

haa.il hai rāh-e-shauq meñ sañg-e-girāñ kahīñ

chhūTā chaman hai ek hazāroñ nazar meñ haiñ

phir hogā shāḳh-e-gul pe nayā āshiyāñ kahīñ

sahn-e-chaman meñ dhuum se jā.egī phir bahār

ḳhanda hai gul tuyūr bhī hai naġhma-ḳhvāñ kahīñ

luT kar 'habīb' ḳhush hai ki tājir hai shauq kā

hai fikr-e-rozgār na sūd-o-ziyāñ kahīñ

ek ruKH

saz-e-darun se jal na uThen jism-o-jaan kahin

rag rag na meri phunk de qalb-e-tapan kahin

gum-sum hun aur shashdar-o-hairan kuchh is tarah

jaise ki kho chuka hun main ruh-e-rawan kahin

us naw ki tarah hun main maujon ke rahm par

langar ho jis ke TuTe kahin baadban kahin

ya mast naz sarw sa koi nihaal-e-sabz

aa jae zid mein barq ki jo na-gahan kahin

ya jis tarah bahaar mein murgh-e-shikasta par

hasrat se dekhta hun su-e-asman kahin

maghlub is qadar hun main ehsas-e-gham se aaj

kho jae siskiyon mein na ye dastan kahin

bite dinon ke KHwab hain aankhon ke samne

farda ka ek KHauf hai dil mein nihan kahin

nikle the jab watan se hum apne ba-haal-e-zar

manzil ka tha KHayal na nam-o-nishan kahin

kuchh aisi muntashir si hui dosti ki bazm

patte bikher deti hai jaise KHizan kahin

zinda hai yar sohbaten baqi magar kahan

diwar khinch gai hai nai darmiyan kahin

farda pe kya yaqin ho nalan hun haal par

mazi ki samt le chale umr-e-rawan kahin

baad-e-saba ke shanon pe amwaj-e-nur par

le jao mujh ko doston ke darmiyan kahin

ya shama meri yaadon ki gul kar do ek ek

tarik dil ka gosha na ho zau-fishan kahin

rudad-e-gham sunate hi yun aai un ki yaad

main hun kahin KHayal kahin dastan kahin

ojhal hain go nigah se dil se kahin hain dur

zikr-e-habib ab bhi hai wird-e-zaban kahin

dusra ruKH

kyon inqilab-e-dahr se ab muztarib hai tu

dekha hai ek haal pe daur-e-zaman kahin

aaghosh-e-inqalab mein palna hai irtiqa

mar jaen ghuT ke badlen na gar ye jahan kahin

mahshar-ba-daman lahja hai duniya ka ek ek

mazi ke DhunDhta hai magar tu nishan kahin

tufan ne baDh ke qasr ko qaisar ke ja liya

rota hai tu ki mera nahin aashiyan kahin

paiham rawan hai nit nai manzil ki rah mein

rukta hai zindagi ka bhala karwan kahin

dukh dard aate dekh ke hota hai ye guman

ho zabt ka hamare na ye imtihan kahin

aai KHizan bahaar bhi hogi qarib hi

fitrat ka ye na raaz ho gham mein nihan kahin

kab tak tu rahm khaega KHud apne haal par

kab tak teri talash dil-e-mehrban kahin

KHush kar na tu kisi ko qaside suna suna

jhukne na pae sar ba-dar-e-astan kahin

fursat kahan kise jo tera haal-e-gham sune

duniyan ko apni kam hai pareshaniyan kahin

sine ke apne ghaw ko hans hans ke tu chhupa

duniya pe hone pae na hargiz ayan kahin

gham ke tarane chhoD ke KHushiyon ke git ga

mushkil ko sahal karte hain aah-o-fughan kahin

pa-e-talab na lang ho aur azm ho jawan

mard-e-KHuda pe tang hai hindostan kahin

go sabr-azma hai masafat ki mushkilen

hail hai rah-e-shauq mein sang-e-giran kahin

chhuTa chaman hai ek hazaron nazar mein hain

phir hoga shaKH-e-gul pe naya aashiyan kahin

sahn-e-chaman mein dhum se jaegi phir bahaar

KHanda hai gul tuyur bhi hai naghma-KHwan kahin

luT kar 'habib' KHush hai ki tajir hai shauq ka

hai fikr-e-rozgar na sud-o-ziyan kahin