milap

valvale sīnoñ meñ ġhaltāñ

aur ragoñ meñ garm ḳhuuñ

josh-e-barnā.ī vufūr-e-shauq afsurda-dilī

zindagī mauhūm dorāhā

dhundalke aur ġhubār

kāhish-e-sūd-o-ziyāñ sa.ī-e-musalsal aur firāq

zindagī kī kulfatoñ meñ intizār zindagī

kāhish-e-sūd-o-ziyāñ

ik bahr-e-nā-paidā-kanār

hāsil-e-umr-e-ravāñ hai aaj sone kī jhalak

aur ik jhankār meñ do bichhḌī rūhoñ kā milāp

sāmne haiñ jab ki āsār-e-sahar

aah kis se luuñ maiñ apnī muflisī kā intiqām

aah ye dil sard rūhoñ kā milāp

walwale sinon mein ghaltan

aur ragon mein garm KHun

josh-e-barnai wufur-e-shauq afsurda-dili

zindagi mauhum doraha

dhundalke aur ghubar

kahish-e-sud-o-ziyan sai-e-musalsal aur firaq

zindagi ki kulfaton mein intizar zindagi

kahish-e-sud-o-ziyan

ek bahr-e-na-paida-kanar

hasil-e-umr-e-rawan hai aaj sone ki jhalak

aur ek jhankar mein do bichhDi ruhon ka milap

samne hain jab ki aasar-e-sahar

aah kis se lun main apni muflisi ka intiqam

aah ye dil sard ruhon ka milap