milan

maiñ havāoñ ke sang aaj bādaloñ kī jhāñjhareñ pahan kar zamīn par utrī huuñ

visāl ke lamhoñ kā koī ant nahīñ

mere chāroñ taraf qatre ghuñgruoñ kī tarah chhan-chhan naach rahe haiñ

aur maiñ titliyoñ kī tarah rangoñ se kheltī tumhāre gale se aa lagī huuñ

intizār ke din aur raat mere hāfize se nikal ga.e haiñ

ki maiñ ne kitnī rātoñ ko takiyoñ par apnī bebasī ko tahrīr kiyā thā

aaj to sāvan kā mausam bhī mujhe gavāhī de rahā hai

ki maiñ akelī nahīñ huuñ

maiñ ḳhushbū-dār bojhal havā kī tarah kabhī us daraḳht se kabhī

khiḌkī ke pardoñ se Takrā rahī huuñ dīvāna-vār

main hawaon ke sang aaj baadalon ki jhanjharen pahan kar zamin par utri hun

visal ke lamhon ka koi ant nahin

mere chaaron taraf qatre ghungruon ki tarah chhan-chhan nach rahe hain

aur main titliyon ki tarah rangon se khelti tumhaare gale se aa lagi hun

intizar ke din aur raat mere hafize se nikal gae hain

ki main ne kitni raaton ko takiyon par apni bebasi ko tahrir kiya tha

aaj to sawan ka mausam bhi mujhe gawahi de raha hai

ki main akeli nahin hun

main KHushbu-dar bojhal hawa ki tarah kabhi us daraKHt se kabhi

khiDki ke pardon se Takra rahi hun diwana-war