mere dil ke TuTe sitare ko tumne
mire dil ke TuuTe sitāre ko tum ne
nigāhoñ se sham-e-farozāñ banāyā
darīche meñ khiltī huī ik kalī ko
laboñ ne chhuā aur gulistāñ banāyā
rag-o-pai meñ gul-rañg sail-e-ravāñ ko
do-ālam se yaksar gurezāñ banāyā
azal se bhaTaktī huī aarzū ko
tamannā-e-shahr-e-dil-o-jāñ banāyā
mohabbat ke bikhre hue ḳhār-o-ḳhas se
jahāñ meñ bas ik dasht-e-imkāñ banāyā
ḳhudā kā na honā bhī mumkin hai lekin
jo maujūd hai us ko imkāñ banāyā
mere dil ke TuTe sitare ko tum ne
nigahon se sham-e-farozan banaya
dariche mein khilti hui ek kali ko
labon ne chhua aur gulistan banaya
rag-o-pai mein gul-rang sail-e-rawan ko
do-alam se yaksar gurezan banaya
azal se bhaTakti hui aarzu ko
tamanna-e-shahr-e-dil-o-jaan banaya
mohabbat ke bikhre hue KHar-o-KHas se
jahan mein bas ek dasht-e-imkan banaya
KHuda ka na hona bhi mumkin hai lekin
jo maujud hai us ko imkan banaya
- Book : saarii nazmen (Pg. 577)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
