meri aankhon se dekho

ik roz apne aap ko maiñ ne

ḳhalā kī vus.atoñ se jhāñk kar dekhā

to vahshat meñ palaT aayā

kahīñ par duur ik nuqta sā raushan thā

aur us nuqte meñ ik zarra nazar aayā

zamīñ kahiye zamāñ kahiye ki apnā āsmāñ kahiye

sabhī kuchh is meñ gum paayā

vahī zarra

ki jis kī vus.atoñ ko baañT kar ham ne

ka.ī ḳhitte banā Daale

aur un ḳhittoñ meñ ham ne sarhadeñ bhī ḳhuub khīñchī haiñ

so ik sarhad ke andar bhī ka.ī TukḌe nazar aa.e

ki jin TukḌoñ ke TukḌoñ meñ kahīñ ik shahr bastā hai

ki jis ke ek TukḌe meñ purānā ik mohalla hai

so us ke ek hisse meñ koī chhoTā sā ghar hogā

aur us ghar ke kisī kamre ke kone meñ

koī apnī haqīqat likh rahā hogā

ek roz apne aap ko main ne

KHala ki wusaton se jhank kar dekha

to wahshat mein palaT aaya

kahin par dur ek nuqta sa raushan tha

aur us nuqte mein ek zarra nazar aaya

zamin kahiye zaman kahiye ki apna aasman kahiye

sabhi kuchh is mein gum paya

wahi zarra

ki jis ki wusaton ko banT kar hum ne

kai KHitte bana Dale

aur un KHitton mein hum ne sarhaden bhi KHub khinchi hain

so ek sarhad ke andar bhi kai TukDe nazar aae

ki jin TukDon ke TukDon mein kahin ek shahr basta hai

ki jis ke ek TukDe mein purana ek mohalla hai

so us ke ek hisse mein koi chhoTa sa ghar hoga

aur us ghar ke kisi kamre ke kone mein

koi apni haqiqat likh raha hoga