meri dua hai

ḳhalā ke gahre samundaroñ meñ

agar kahīñ koī hai jazīra

jahāñ koī saañs le rahā hai

jahāñ koī dil dhaḌak rahā hai

jahāñ zehānat ne ilm kā jaam pī liyā hai

jahāñ ke baasī

ḳhalā ke gahre samundaroñ meñ

utārne ko haiñ apne beḌe

talāsh karne koī jazīra

jahāñ koī saañs le rahā hai

jahāñ koī dil dhaḌak rahā hai

mirī duā hai

ki us jazīre meñ rahne vāloñ ke jism kā rañg

is jazīre ke rahne vāloñ ke jism ke jitne rañg haiñ

in se muḳhtalif ho

badan kī hai.at bhī muḳhtalif

aur shakl-o-sūrat bhī muḳhtalif ho

mirī duā hai

agar hai un kā bhī koī maz.hab

to is jazīre ke maz.haboñ se vo muḳhtalif ho

mirī duā hai

ki is jazīre kī sab zabānoñ se muḳhtalif ho zabān un kī

mirī duā hai

ḳhalā ke gahre samundaroñ se guzar ke

ik din

is ajnabī nasl ke jahāzī

ḳhalā.ī beḌe meñ

is jazīre tak aa.eñ

ham un ke mezbāñ hoñ

ham un ko hairat se dekhte hoñ

vo paas aa kar

hameñ ishāroñ se ye batā.eñ

ki un se ham itne muḳhtalif haiñ

ki un ko lagtā hai

is jazīre ke rahne vaale

sab ek se haiñ

mirī duā hai

ki is jazīre ke rahne vaale

us ajnabī nasl ke kahe kā yaqīn kar leñ

KHala ke gahre samundaron mein

agar kahin koi hai jazira

jahan koi sans le raha hai

jahan koi dil dhaDak raha hai

jahan zehanat ne ilm ka jam pi liya hai

jahan ke basi

KHala ke gahre samundaron mein

utarne ko hain apne beDe

talash karne koi jazira

jahan koi sans le raha hai

jahan koi dil dhaDak raha hai

meri dua hai

ki us jazire mein rahne walon ke jism ka rang

is jazire ke rahne walon ke jism ke jitne rang hain

in se muKHtalif ho

badan ki haiat bhi muKHtalif

aur shakl-o-surat bhi muKHtalif ho

meri dua hai

agar hai un ka bhi koi mazhab

to is jazire ke mazhabon se wo muKHtalif ho

meri dua hai

ki is jazire ki sab zabanon se muKHtalif ho zaban un ki

meri dua hai

KHala ke gahre samundaron se guzar ke

ek din

is ajnabi nasl ke jahazi

KHalai beDe mein

is jazire tak aaen

hum un ke mezban hon

hum un ko hairat se dekhte hon

wo pas aa kar

hamein ishaaron se ye bataen

ki un se hum itne muKHtalif hain

ki un ko lagta hai

is jazire ke rahne wale

sab ek se hain

meri dua hai

ki is jazire ke rahne wale

us ajnabi nasl ke kahe ka yaqin kar len