meri ek umr

mirī ik umr kā andoḳhta

jis meñ

na kaliyāñ haiñ na motī haiñ

qalam se jis qadar chiñgāriyāñ barsīñ

unheñ tum raakh se tashbīh de do

vo aañsū

jo siyāhī ban ke kāġhaz par gire haiñ

maiñ tumhārī nazr kartā huuñ

mirī manzūm taqsīreñ

jo mere jān-levā rat-jagoñ kī

ḳhud hī shāhid haiñ

tumhāre sāmne haiñ sab

mire ḳhūn-e-jigar kā kitnā kitnā

kis qabīle se ta.alluq hai

ye tum jaano

ye rangā-rang tohfe

jo saroñ kī shakl meñ tum ne sajā.e haiñ

unheñ maiñ shukriye ke saath

vāpas kar rahā huuñ bas

merī gardan pe merā sar hī rahne do

meri ek umr ka andoKHta

jis mein

na kaliyan hain na moti hain

qalam se jis qadar chingariyan barsin

unhen tum rakh se tashbih de do

wo aansu

jo siyahi ban ke kaghaz par gire hain

main tumhaari nazr karta hun

meri manzum taqsiren

jo mere jaan-lewa rat-jagon ki

KHud hi shahid hain

tumhaare samne hain sab

mere KHun-e-jigar ka kitna kitna

kis qabile se talluq hai

ye tum jaano

ye ranga-rang tohfe

jo saron ki shakl mein tum ne sajae hain

unhen main shukriye ke sath

wapas kar raha hun bas

meri gardan pe mera sar hi rahne do