modern ehtijaj

zindagī muffler ghumā kar gāñTh banānī lagī to

din kī safed saḌak par meñDakoñ ne ehtijājan

ḳhushk anDe pheñk diye

fārmī murġhiyoñ ne rang-birange pājāmoñ se

touch-mobile nikāl kar

rīleñ banā.īñ aur hashtag meñ ek tijārat-kār ko mention kar diyā

ye ehtijāj kā nayā tarīqa hai

mintoñ aur ghanToñ meñ lākhoñ logoñ ne

riil par rīleñ banā.īñ

chand fārmī murġhiyoñ kī chūñ-chūñ ne

social media kī aham surḳhiyoñ par thū-thū kar diyā

saiñkaḌoñ you-tubiye naak poñchhte hue

interview ke liye nikal paḌe

meñDakoñ aur murġhiyoñ kā daana paanī un ke followers hote haiñ

kuchh din sub.h dopahar shaam

aham surḳhiyoñ meñ yahī silsila chaltā hai

phir do chaar hafte chūñ-chūñ aur thū-thū ke baa'd

kaun sā asl mudda'ā aur kahāñ kā haq

what the fuck

zindagi muffler ghuma kar ganTh banani lagi to

din ki safed saDak par meinDakon ne ehtijajan

KHushk anDe phenk diye

farmi murghiyon ne rang-birange pajamon se

touch-mobile nikal kar

rilen banain aur hashtag mein ek tijarat-kar ko meintion kar diya

ye ehtijaj ka naya tariqa hai

minton aur ghanTon mein lakhon logon ne

ril par rilen banain

chand farmi murghiyon ki chun-chun ne

social media ki aham surKHiyon par thu-thu kar diya

sainkaDon you-tubiye nak ponchhte hue

interwiew ke liye nikal paDe

meinDakon aur murghiyon ka dana pani un ke followers hote hain

kuchh din subh dopahar sham

aham surKHiyon mein yahi silsila chalta hai

phir do chaar hafte chun-chun aur thu-thu ke ba'd

kaun sa asl mudda'a aur kahan ka haq

what the fuck